笑到最後｜123・元宇宙（高明）
笑到最後｜123・元宇宙（高明）
究竟咩係元宇宙，最簡單嘅解釋，就係Ready Player One（一級玩家）或者Matrix（22世紀殺人網絡）電影嘅真實版。
facebook（FB）改名做Meta，創辦人朱克伯格現身大談元宇宙，改名前一日，利世民
、尹思哲及高明開了個直播，正正係講元宇宙，以後逢星期四香港晚餐時間8點就會開騷直播，如果想睇「先過大家少少嘅題目」，就可以留意以上人物嘅社交媒體平台，因為去中心化，所以多台聯播。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
廣告賣完，究竟咩係元宇宙，最簡單嘅解釋，就係Ready Player One（一級玩家）或者Matrix（22世紀殺人網絡）電影嘅真實版，近例就有《魷魚遊戲》，劇入面嘅世界觀，就係一個元宇宙，不過第二人生Game Over會影響第一人生咁解。
事實上，好多時間打機都會有類似嘅情況，例如魔獸世界（Diablo），又例如更早期嘅模擬城市，甚至乎金庸群俠傳，又或者近啲嘅動森，某程度上都係一個嘅元宇宙，目的就係過第二人生，現實世界做唔到嘅嘢，喺第二人生度做，例如，現實世界你好難做小龍女。
但係元宇宙叫得做宇宙，就有必要內部世界係傷痛，咩嘢為之傷痛，就係金庸群俠傳把屠龍刀，可以拎去魔獸世界度用，或者你喺魷魚遊戲拎咗第一，啲獎金可以拎去Matrix度用。概念其實大家都明，特別係遊戲生產商一早已經開發元宇宙，點解以前做唔到，而家比較接近？其中一個解釋就係有加密貨幣。
以前年代要有一個完整嘅元宇宙架構，情況有如YouTube成為影片霸主，又有與facebook系列成為社交媒體霸主。背景必須同一天空下，先可以成為元宇宙。今時今日加密貨幣已經可以成為交易媒介，元宇宙入邊嘅第二人生，無需要鎖死喺同一天空下，魔獸世界嘅武器，只要折現變成加密貨幣，拎過去AOE 一樣可以用到，令到加密貨幣成為原宇宙嘅最大公約數，並且一舉令之前熱炒嘅NFT變得合理，虛擬藝術品用喺虛擬空間入面。
等龍頭誕生出手 一樣贏大鑊
嗰日討論咗好耐，最後結論仍然係元宇宙比較適合存在於遊戲空間，朱克伯格話元宇宙可以用嚟開會，就算係香港，可能只有「好鍾意返工」嗰位市民先會有共鳴。第一人生被返工耽誤，第二人生仲諗開會係咪太搞笑，除非第二人生嘅角色互換，朱克伯格願意做小薯開會被第一人生嘅夥計批判則作別論，但現實應會同魷魚遊戲一樣，第二人生同第一人生同時Game Over。
如果純粹推論，元宇宙更加適合做穿梭系列，如果第二人生都係返工開會幾咁無聊，反而，穿越古代，例如返去假設橋段改變歷史，如果係過去成為霸主，掟到一桶金，輕則可以去唔同宇宙使用，重則改變埋第一人生，先會令人對Metaverse有憧憬，超越只係一個遊戲。
至於炒股，依家都只係處於鬥快插旗情況，就有如剛剛推出社交媒體，有無限間，之後死剩facebook獨大，然後其他二三線喺下面啄。元宇宙依家並無概念股，因為元宇宙都只係個概念，美股歷史論，就算等元宇宙分咗勝負你先去買，一路持貨都會贏大獲，唔使心急。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
