魚樂無窮│咁多年保住勝果的方法（唐牛）
魚樂無窮│咁多年保住勝果的方法（唐牛）
本欄一向做法都係睇住excel表做人，倉位去到警戒線一定會沽貨，賺係會賺少咗，但起碼保住利潤。
港股周一再創今年新低，今次利淡消息乃中證監叫停本港券商為內地客開滬深港通戶口，以及內地傳禁網上券商向內地客提
供離岸交易，前者扭轉了近期南水強勢掃貨的氣氛，後者則打擊港股的炒賣氣氛，需知道內地資金對港股的影響力有增無減；中港股市齊吹啖風下，點會有運行。
美股、外匯、加密貨幣免費即時報價，自選投資組合獲取相關新聞提示。
自己昨日在fb post已提到，再次減持了港股持倉，冇計，如此弱勢要大彈難度分極高，最怕繼續陰跌連走貨的動力都冇埋。
放鬆心情 明年再戰
「你成日都係跌市減倉，好曳啫。」本欄一向做法都係睇住excel表做人，倉位去到警戒線一定會沽貨，賺係會賺少咗，但起碼保住利潤。坊間好多高手都做到好倉贏盡，淡倉沽盡，可惜本人乃凡人一個，冇辦法任何市況都贏錢。但咁多年透過自家方法，埋單都有錢贏，夫復何求。
最後，不同節目講咗好多次都要再講，2021年只得番幾個交易日，勝負一早已定，斷不能在短短的日子扭轉乾坤，倒不如放鬆心情，好好享受假期，明年十倍奉還吧。
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰ https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com
