士佳說 - 張士佳 2022年2月19日
【#士佳說 】張士佳：唔打又打
【#士佳說 】張士佳：唔打又打
前晚美無加息，表面一遍好境，我反而話247xx食些糊，即日已發揮小作用。俄烏戰雲陰霾仍左右地緣及股市大局，尋日中午有傳俄羅斯有零星發炮，港股即時跌200點，見24500有啲支持力，容後烏方否認，港股陸續收復失地，升去番24800附近。
但晚上烏克蘭邊境傳出由俄羅斯發起的戰炮聲，局勢再度緊張對峙，美國更推波助瀾指俄羅斯入侵烏克蘭的可能性非常高，道指曾跌600幾點，納指亦跌400幾點，港股夜期仍算硬淨，可見市底吾弱，今日或會低開再觀察即市支持狀況，會唔會又同尋日中午一樣，如果又係有錢買上番尋日高位收，這中期築底就值得博向上多一浸。
隔晚美聯儲會議紀要出台，未好肯講實下次加息會是0.50%，但市場理解與之前預計的参唔多，很快便會開始加息，大概率會在3月、5月和6月，基本上都在預期之中。但反而會議給人感覺可能會遲些時候先開始縮表，因並未提及縮表可能時點及規模；只是強調留意通脹能否如預期回落，才加快收緊貨幣。會議前市場最壞的預期會已經預先反映出來，所以美股對會議後反應比較處之泰然，反而被俄烏地緣戰況消息籠罩蓋過，更為影響環球股市震盪。
不過，會議後就影響本地銀行股全線向下調整。加上渣打#2888公布業績上年多賺超過一倍，但仍較市場預期為低，跌2%；拖累滙控#005，恒生#011微跌；中銀香港#2388就回得較深。不過，渣打#2888高層旋即出來話會在短期內進行7.5億美元股份回購，始終加息對銀行業前景有信心。留意下周二輪到滙控#005及恒生#011派成績表，或許會影響指數能否突破的關鍵。
亂世中講下EV新能源電動車股，Tesla前兩日正式宣佈 2022 年不會發布新車以後，市場留意造車新勢力，包括Tesla對手Rivian在今年都將迎來全新車型，造車新勢力反彈。
而比亞迪#1211在中國大陸推出了十幾款新車型，電動汽車銷量增長了200%以上，主要是因為比亞迪的業務還擴展到了中國大陸以外的市場，如做阻力再被陽燭突破，則可關注；新勢力小鵬汽車#9868近日股價連翻跳開gap up，因其將加快開拓歐洲當地包含荷蘭、瑞典及丹麥在內的銷售網絡，出現強勁反彈。
據資料研究，光國內替換新能源車潮需求將於2022-2024年達到高峯，未來將突破5億輛，市場規模超千億，加上海外市場的開托，會為比亞迪#1211 小鵬汽車#9868等帶來巨額生意發展前景。
除了4輪的比亞迪同小鵬之外，兩輪的雅迪控股#1585亦系底部活躍起來，圖表上見系統近日剛出了些訊號，雖然仍未全面扭轉向好，但正好時候加緊放alert做功課，萬一真係見咗底都不會錯過。
今日大市調整，留意市跌佢唔跌既強股，到大市真升，便見真章，以下熱力地圖（10 分鐘後出）係300億以上的中流砥柱股（未剔除公用），我唔係推介呢啲，而係會望實呢啲近日嘅反應，做第日爆上嘅功課。（附：綠色的股 係比2018年1月29日 33516 那天的 收市價 更高）
士佳說 - 張士佳 舊文
本文作轉載及備份之用 來源 source: http://skycheung.weebly.com
