【#士佳說 】張士佳：馬某的十三蕉
【#士佳說 】張士佳：馬某的十三蕉
尋日開市不久，市場傳杭州
""馬某""被捕的消息，我即同学生講惹人遐想，市場嘅人咁都會信，我解讀謂揾位買阿里巴巴，說時遲那時快，買唔夠五份一，阿里股價已一蚊一蚊咁上，其後胡錫進話唔係馬某，係"馬某某""，央視隨後亦作更正為""馬某某""澄清，一開始漏出呢個消息嘅人究竟係邊個，呢個人好有問題。
在此之前，我無巴巴在手，只有美團，難得有“馬某价”，就出手炒下，巴巴自出事以來，我揸過一次，沽就有好幾次，揸果次係捧芒格場，好在圖叫走，但也擺低了十巴，信圖好過信人，香蕉無次征服到，十二次香蕉即係有十二次沽空机會，現在又在挑戰香蕉了（第十三次），係傳出停監管後的第一次，睇下今次能否挑戰成功，如果可以就係否極泰來，否則到時又係一次沽空機會。至於點樣可以征服到，有兩個條件，學生亦都可以溫故知新喺群組裏邊答下，開市時我開估；粉絲應該答唔到，唯有到時搵機會再提下。先前12次，唔好話兩個條件，#9988連一個條件都冇辦法完成，ATM之中，只有M #3690能夠做到一個，所以抗跌力好些，收市後又有報導紅杉的沈南鵬在一個月內兩度減持美團股份。今次減得多，沽左近4300萬股，其實過去一年幾，都減左十幾次，時多時少，不過今次特別多，睇下今日美團有幾大影響，如果仲可以有得升，都幾強。
圖﹕阿里巴巴 #9988
美明宣佈加息，一定再加口術，美股難好，反而內地因疫情影響，經濟較難搞，必定鬆手監管，美加息應該係低買，博反覆上昇之局，如果今次都升唔到，就麻煩了。
由於中國政府強烈表明要谷經濟，除了科技股之外，各受惠行業都有可能輪流炒一轉反彈。今次維穩主舵的是主力房地產，各地鬆綁樓市的限購、降低首付步伐加快。仲有放鬆提高公積金貸款額度、契稅補貼等舉措。有利好政策照亮下，前兩日#688中國海外在我止蝕邊緣，陽燭拗腰上，另一持股#1668亦即發力，資金見況，再追捧基建建築，如中國建築國際#3311，中國中鐵#390及中國建材#3323等，在之前在跌市中都四平八穩，留意今次反彈應會再有力突破。
此外，匯聚科技#1729，我群組都附圖提過值得冒險，一直都有注碼在守候突破，尋日升15%。講多些公司背景，主要製造及供應各種銅纜和光纜電線組件、網絡電線及特種線產品，廣泛應用於電訊、數據中心、工業設備、醫療設備、網絡電線及汽車配線等。A股蘋果供應商立訊精密002475.SZ出手拓展, 持有匯聚科技13.8億股份並進行收購， 立訊強調，未來將與匯聚科技在精密製造、數字化管理、經營理念和客戶資源等方面相互賦能，持續提升在新能源汽車概念長線佈局，有助於相方公司業績的增長。
#1729匯聚科技一星期升近六成，缺陷係總市值只有30億港元左右，但亦都係由於咁，我在sun channel節目中都有提及炒有前景溢價平的細價股，大家自己做下功課，之前亦有炒低溢價的#330思捷，近期又行得快左，就可不斷炒不斷關注，兩隻都係吼低揸候高食完再撈之選。仲有提一提啲教育股溢價都非常低，有幾隻都在虎視眈眈，做下功課。
編按：疫情中，個市又唔得，Sir停左開班一段日子，期間好多朋友查詢再開班日期，現在個股在低位蠢蠢欲動，我們會在五六月開一班，有興趣嘅，請用報名link留位。
報名及留位連結：https://bit.ly/3OSJj7h
士佳說 - 張士佳 舊文
本文作轉載及備份之用 來源 source: http://skycheung.weebly.com
