有錢暫時都唔會買樓
有錢暫時都唔會買樓
以現在時勢，多一些現金傍身是最好策略。 (資料圖片)
近日有不少樓盤，價錢不但不貴，仲可以講是低於市價，而且代理話業主到價即賣。但筆者實話實說，認為睇下樓盤冇問題，但買樓的確不是時機，因時勢不穩，最緊要是有足夠現金，萬一銀行追差額都可以應付。
此外，股價現在實在太低，買一些安全性高的藍籌股亦不錯，無形中股市亦搶了樓市購買力，樓市想升都難。不過，要大跌亦不容易，因為大多數香港人只是有一個自住單位，除非迫不得已或者移民，否則都唔會將自住單位出售。但如果世界形勢不改善，香港亦很難獨善其身，就算有人問，我都會話以現在時勢，多一些現金傍身是最好策略。所以，未來一段時間，樓市的確不被睇好。
政府亦了解到市場形勢，除了「0+3」形式通關外，已將買樓壓力測試由3%降至2%。本來，通關是對香港樓市有積極作用，但可惜港元太強，現在亦不是內地人買香港樓的時機。不過，通關大門已開，購買力隨時會到來，大家亦要留心樓市隨時會反彈。
金管局將壓力測試下降1個百分點，雖然幫助不大，但代表金管局有關心樓市，估計下一步就會降低逆周期措施。如果下降10%，對樓市有積極作用。另外，政府還可以放寬打擊樓市的辣招，所以對樓市不應睇得太淡，時勢唔好，就是執平貨的時機。
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk
