【平民投資教室】錢俊：聯儲局息口預測唔可信
平民投資教室
日期：2022-10-11
更新時間：15:17:42
上月美國聯儲局加息0.75%，港銀又加息0.125%，大家覺得今輪跌市未見底。上周初小彈後又 回調返。
無論係主席鮑老及其他儲局官員嘅強硬言論，抑或所謂利率點陣圖顯示今
年仍要加多1.25厘 ，看似中期而言聯儲局加息仍唔會手軟。甚至有財經界人士話最終利率要加到同通脹一樣，即 係隨時去到八九厘。
錢俊認為，下至重量級投資者，上至聯儲局，大家都係靠估，有如賭場有人買大有人買細。強 如聯儲局，上年以至到今年初，通脹開始上升時，仍然斬釘截鐵話通脹只係暫時性，當時嘅點 陣圖仲顯示唔加得幾多次息就收工。結果呢？上周嘅點陣圖同年初已經大為不同。之前依賴 鮑老言論同利率點陣圖去預期未來利率，最終錯到離曬大譜。
講到尾，真正影響息口走勢，主要睇兩項數字－美國通脹同失業率。通脹見頂跡象已經浮現， 加上今年價格已經升咗好多，高基數效應下，明年通脹增幅應該難與今年相比。此外，加息及 投資損手，令公司對明年經濟及需求嘅預期下降，花錢發展業務及請人意慾將下降，失業率未 必能維持低位。因此，錢俊大膽假設，明年加息放緩機會比繼續現時步伐機會仍大得多，股債 市場下年理應比今年樂觀。
然而，錢俊唔係經濟學家，通脹情況變數甚大，加上地緣政治局勢包括俄鳥戰事嘅變化，每天 在變。現時最好嘅策略仍然係分段入市，分散入市風險，唔好過份相信聯儲局及財演嘅負面言 論，否則可能蘇州過後錯失今年入市機會。
TAN：低波動亦不失潛力的新能源投資
至於高通脹、加息、加上衰退風險下，有無又有潛力但又順住個勢嘅板塊？能源相關股票今年 升好多大家都知，能源價格中期內維持高位可說是毫無懸念，但會否長升長有，相信大家都存 疑。
間接地，新能源板塊今年成績唔差。環顧美股上市嘅主要新能源板塊ETF，回報由負2.6%至負 27%不等，即係大部份都跑嬴美股標指嘅負24%。石化燃料嘅價格波動，加上減碳承諾，都令 歐美甚至亞洲多國今年更加睇重綠色能源嘅發展。美國於八月亦通過《降低通貨膨脹法》，當 中大篇幅支持新能源發展，帶動該月新能源板塊。
其中一隻較好表現嘅ETF為Invesco Solar ETF（US:TAN），由35隻美國或美國以外市場上市 嘅太陽能相關公司。頭三隻成份股已佔26%持倉，十大持倉亦包括香港上市嘅信義光能（ HKG: 0968）。
較早前錢俊亦介紹同為新能源板塊嘅iShares Global Clean Energy ETF（US:ICLN）。由於其 包括太陽能以外嘅股票，分散程度較高，管理費亦較平，而且資產規模亦係TAN嘅一倍有多。 然而TAN無論長線同短線表現跑嬴ICLN幾條街。過去五年回報，TAN為243%，ICLN僅124%。 年初至今TAN為負5%，ICLN為負9.8%。點樣選擇就視乎你個人取向。
想聽其他投資Topic？話我知：chinjun.column@gmail.com
FB: chinjun.etf
IG: chinjun.column
以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com
