搵好多錢嘅年代，肯定已過去。 (Markus Hanke via Getty Images)
1. 比較遲嘅領悟，就係2023年之前，原來從來都唔係投資。高明出道比較遲，到真係有認真嘅資金投資時，已經係零利率年代。即使2019年加過息但2.5厘其實唔係好感受到，好快就減息。一直到2023
年終於有似樣嘅息口，利之所致，其實你點做，人哋都點做，你貪5厘息，更有錢嘅人一樣係咁貪。冇利率做指標，普遍都只係投機至賭博。
美股外幣即時報價 多國新聞任睇
原來課本係冇用
2. 原來課本係冇用。risk free rate無風險利率大家一早聽過學過。當呢個利率只係文字上寫出嚟嘅理論，任何人都會冇感覺，然後走去從事投機。更危險就係收息陷阱，以為賺息，實際上連本都會蝕，比起完全冇息嘅加密貨幣例如Bitcoin（唔計穩定幣等）更危險。任何財經嘅概念，冇親身體會過，其實只睇文字冇乜用。
巨無霸主導 細公司難突圍
3. 搵好多錢嘅年代，肯定已過去。唔係淨係香港中西都唔Buy嘅困局，而係全世界嘅趨勢。講「唔係呀我識邊個搵好多你屎啫」之前，請照一照鏡，睇嚇入面有冇Sam Altman？呢個世代最強嘅創業家，Sam Altman數第一應該冇人反對。如果佢早10年爆出，才智超過朱克伯格應該不足為過（兩人年齡接近）。不過，OpenAI遲太多成型，喺逼宮事件上，Sam Altman拉隊走都係去微軟（MSFT）打工。當然待遇同一般打工仔唔同，但同10年前後生仔發展成超級富豪嘅故事比又細規模一大截。
呢個世代最強嘅創業家，Sam Altman數第一應該冇人反對。如果佢早10年爆出，才智超過朱克伯格應該不足為過（兩人年齡接近）。 (Justin Sullivan via Getty Images)
4. 馬克思主義嘅理論，喺呢方面最能夠解釋點解搵錢少咗。傳統上認為經濟下層建築決定了上層建築。喺股市上，全靠大家過住日常被Big Techs包圍嘅生活，先可以造就佢哋嘅股價。但係馬克思同時都有講，上層建築都可以其方式反作用於下層建築。就好似現時上層已被大型科技股壟斷，打開今年熱力圖，升幅集中曬喺大型科技股身上，創業嘅世界好難再攝位，就算本身係上市公司，要爭贏巨無霸，本身都唔能夠太細。細公司難有突破性發展，股價嘅爆破性升幅，都係大企業初輪融資食曬頭啖湯，水尾先益大家望天打卦。
5. 港股4年跌，亦開始出現博第5年反底嘅聲音。套用馬克思主義嘅上下層建築論述，下層建築嘅廣大百姓，有冇比以前更加被恒指成份股提供嘅服務包圍；上層建築又有冇影響返下層建築，令到下層嘅人努力購買上層嘅服務。例如權重股騰訊（0700.HK）推出嘅手遊，有冇更容易畀最終用家接觸到？2024年如果對港股仲有一絲希望，分析港股嘅第一本攻略，就係馬克思嘅資本論。
2024年如果對港股仲有一絲希望，分析港股嘅第一本攻略，就係馬克思嘅資本論。 (picture alliance via Getty Images)
6. 一開始唔係話理論冇用？點解突然間馬克思變咗股票書咁推介？首先，現實係理論嘅延伸，學費由課室交到去交易所，交足學費先學滿師，係世上一般嘅運作方法。其次，只要稍為修改馬克思嘅理論就發覺正確無比，馬克思覺得資本發展係靠剝削工人，今時今日，股價發展係靠搾取消費者，全方位大包圍，日常生活點畀錢，Big Techs都有份收，由server錢到廣告都直接間接收錢。至且熟讀馬克思理論更有助分析港股。
高明
IG
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
