古星輝 - 黃金4小時拓鐵路通訊體驗｜乜都5G
朋友去完外國旅行返嚟，話有比較先知道原來喺香港搭港鐵或火車時，可以如常上網、打機、睇片係幾咁幸福。因為喺外地搭地鐵，莫講話睇片，有多時連打電話或上網都要講彩數。香港流動通訊服務水準之高，真係叫人引以為傲！
要有好嘅鐵路站網絡覆蓋，有賴各
方努力。以我哋為例，舊年就開展咗9條港鐵線合共65個車站嘅大型網絡擴容工程，全力提升客戶整體使用體驗，工程預期今年首季完成，屆時喺地鐵打機、睇片更加暢順！
提升網絡容量 有效調配資源
電訊商除咗重視提升工商業區、新落成屋苑及新地標嘅網絡覆蓋，亦好關注客戶喺大型基建、交通樞紐及集體運輸工具嘅網絡使用體驗。
我哋嘅網絡擴容工程，針對鐵路分階段喺3個不同範疇進行工程，包括位處黃金地段嘅港鐵站、貫穿商業走廊的地鐵沿線（包括中環至銅鑼灣段、尖沙咀至太子段），以及連接各大口岸及新界北嘅鐵路。工程部嘅同事，每日與時間競賽，喺港鐵修車後嘅「黃金4小時」，即淩晨1時至5時，進行測試及拓展工程，分秒必爭。
透過增加車站內嘅頻譜及網絡區域分流等配置，我哋成功提升港鐵站內嘅網絡容量及有效調配資源。從已經完成工程嘅港鐵站所見，客戶嘅網絡使用量及流暢度顯著提升。感謝一班同事嘅努力，共同為締造更出色嘅流動通訊體驗而付出。
復常後，越來越多人北上消費，有見及此，我哋亦大大加強各大口岸及高鐵（香港段）沿線覆蓋。同事為咗測試網絡表現，一日有時來回深圳同福田4、5次，目的就喺等客戶可以喺搭高鐵北上期間連線上網，盡享世界級通訊服務。
順帶一提，我哋係香港第一間打通內地所有漫遊網絡嘅電訊商，即係話，如果客戶選用我哋嘅「全網通」漫遊服務，喺過關後即可接通內地網絡，毋須換卡，而且喺收唔到嘅位置，手機又會自動切換至訊號最好嘅網絡，方便可靠。
我哋期望整個網絡擴容工程完成後，能喺新一年為我哋帶嚟更上一層樓嘅流動通訊體驗。
和記電訊香港行政總裁
古星輝
乜都5G - 古星輝 舊文
本文作轉載及備份之用 來源 source: http://www.stheadline.com
