中環在線：小小超收購錢仲喺銀行 - 李華華
誠哥在財力及腦力上都好支持Richard，難怪大部份港人都希望老竇係李嘉誠啦！程志遠攝
除咗評論時事，大家仲想知道首富李嘉誠分身家分成點，誠哥5月喺股東會終於講分身家，將上市王國交曬畀大仔李澤鉅，另外會畀錢支持細仔李澤楷(Richard)做自己鍾意嘅生意，但過咗兩個月都唔見Richard落實乜嘢大單投資。
誠哥噚日就話，啲錢仲喺銀行，Richard可以隨時攞嚟用，咁即係Richard仲未撲鎚?誠哥又話唔講你知喎。最緊要係，Richard傾咩生意，誠哥都會畀意見，佢仲幫口話，傾生意唔係去超級市場濕平買件嘢咁簡單。
咁就梗係啦，誠哥分身家，出錢幫Richard買嘢，一定唔係奀嘢，大家就係好想知道Richard買嘅嘢有幾大件，同誠哥個上市王國有無得揮，李澤鉅應該都好想知道!
上一則: 唔buy國民教育超人自製講義教孫 - 李華華
下一則: 中環在線：中國金石無say no出事 - 李華華
中環在線 - 李華華 舊文
