中環在線：迎海洗腦大會 - 李華華
賣樓要cosplay即派八千好禾味
大家見到右邊張相萬人空巷咁款，唔係立法會參選人造勢大會，亦唔係反洗腦國民教育集會，而係恒地(012)同新世界發展(017)為六大地產代理搞?「迎海洗腦大會」，仲要搵埋藝人做EYT(《歡樂今宵》)式趣劇，教代理推盤，認真啜核！
馬鞍山迎海同新地(016)屯門瓏門兩個大型新盤短兵相接，一場搶客戰在所難免。迎海發展商輸人唔輸陣，噚日專登?會展搞個「六千人誓師大會」，搵齊六大地產代理教佢?點sell盤。
成蟲大哥又?喇，造型贏?北角鄭秀文。
呢個唔係選舉造勢大會，亦唔係反洗腦大集會，而係地產商向代理洗腦?聚會。梁鑑章攝
代理個個有教材
誓師大會一開波就係上堂，大會已經預先準備?份「推銷模式」教材派畀每位代理，大sell「方便、綠化、靚景」等18個賣點，直情勁過「進步、無私、團結」，洗腦洗足大半個鐘。發展商怕代理聽唔入腦，搵鄧梓峰、阮兆祥同江欣燕做趣劇，扮成蟲同北角鄭秀文(唔係天後?個)。
恒地一向鐘意搵藝員幫樓盤造勢，但諗出做EYT式趣劇?教代理推銷，真係要畀十個like佢。三位藝人一貫專業演出，好似好得意，但講來講去都係個盤幾好，每套短劇一定用「迎海好正，要即刻落定」結尾，真係唔係人人識笑囉。
「洗腦大會」前後搞成兩粒鐘，發展商臨尾仲要?個「評核」，睇嚇洗腦效果，由輕輕鬆鬆鄧梓峰問番幾條迎海問題，結果洗腦成功，有三位代理答中曬，各得8800大元，成件事真係好EYT！
李華華
mailto:LiWaWa@AppleDaily.com
上一則: 發改委再批20項基建
下一則: 中環在線：李四萬派發正能量 - 李華華
中環在線 - 李華華 舊文
