中環在線：87歲?飛做麗國執董嶽少阿媽出山 - 李華華
麗新系老闆林建嶽最近由娛樂版紅番過來財經版。前日麗展(488)同傳聞係新地(016)大股東郭炳湘，夾份高價搶走將軍澳地皮不在講，控有成個麗新系?麗國(191)噚晚突然宣佈，嶽少阿媽餘寶珠由非執董轉做執董，87歲先?做番個要?飛?董事！
■嶽母(左)雖然已年屆87歲，但仍老而彌堅，轉做董事應冇問題。
年紀大通常退休享清福，新地郭老太08年見三個仔內訌先出山，爭產風波稍為平息，佢都即刻退下來；純官都話彤叔唔想開會而辭?周大福(1929)個非執董職務，林老太今次竟然掉轉，轉番做執董，認真耐人尋味！
林建嶽
袍金薪金僅365萬
查實麗新系最近不斷出現人事架構重組，先係嶽少突然辭去麗豐控股(1125)主席同執董職務，由6月先至加盟?周福安接替。林老太至錫?乖孫，即係嶽少位公子林孝賢同時被委任為麗展同豐德麗(571)執董。
嶽少當時仲話，叫阿仔做執董係要畀多?責任下一代，但家陣竟然要阿媽出山，一年袍金同薪金仲要得365萬，呢個價錢，家只係買到個車位咋喎。唯一?解釋，係嶽少搞娛樂、飲食搞到差唔多，想做番財經版紅人，可惜，佢一出手買地就俾人話係明燈，佢應該度緊點樣威番次。
李華華
mailto:LiWaWa@AppleDaily.com
上一則: 遠展：已預售66億物業
下一則: 中環在線：彤叔唔想開會辭周大福非執董 - 李華華
中環在線 - 李華華 舊文
