中環在線：獨董好搵過議員石禮謙賺外快342萬 - 李華華
■繁忙的議員
地產及建造界立法會議員石禮謙兼職做上市公司獨董，數目之多數一數二，林建嶽旗下麗豐控股(1125)前日委任埋佢做獨董，佢變成19間上市公司?獨董。唔計麗豐，18間上市公司上年度合共畀?342萬董事袍金佢，平均每月有28.5萬落袋，同樣都係定時定候開會，相對議員月薪8萬，真係蚊髀同牛髀。
嶽少林建嶽同石禮謙最近成為經濟民生聯盟盟友，唔知係咪咁，順便叫埋佢做麗豐獨董，每年袍金25萬，算係市價。石禮謙做十幾間公司獨董，袍金多數介乎10萬至30萬。
勤開董事會立會投票懶
石議員亦算盡責，翻閱18間上市公司上年度年報，石議員基本上有參與曬?董事會，雖然話每間公司一年多數開四、五次董事會，但石議員做咁多間，舊年一共要開95次董事會，只係缺席兩次，認真犀非利。
不過，參考「立法會議員天主教監察組」發表2011至2012年度立法會議員監察報告，石議員?周三例會?考勤表現有兩個缺點，包括「就102項議題發言少於一成」，「無缺席但投票時不在場多於25%」。
股東們見到呢兩個缺點，心裏會否懷疑，石議員平時點樣開上市公司董事會呢？立法會文件已經夠多，石議員又有冇時間睇埋呢19間上市公司?資料呢呵？
李華華
mailto:LiWaWa@AppleDaily.com
上一則: 企業發債門檻提高
下一則: 中環在線：國泰再走公關CK獻身中大 - 李華華
中環在線 - 李華華 舊文
