鹹水樓
2013/3/18 9:27:39
網誌分類: 經濟
美股上周五回吐，源於當日公布的美?さ/span>3月份消费者信心出乎意料的由上月的77.6大幅下降至71.8。零售消費佔了美國經濟好重位置，消費者信心不足，自然嚇到投資者腳軟。美國政客就自動削支方案傾唔埋欄，由3月開始削開機制自動啟動，當月的消費信心就大跌，使市場意識到美國的富人加稅及削支，的確對市場做成一定的殺傷力，唔好以為當佢無到。
不過，睇番美股的調整幅度，又真係相當有限。杜指連升十日，屢創新高，上周五杜指收市只係跌25點，相比之下，調整力度只能算係毛毛雨。反映投資者投資情緒的股市恐懼指標VIX指數，仍然徘徊於12點下方，維持在極低水平。投資者似乎驚都未驚過，對後市仍然信心十足，只將跌市視為休整。現實上，唔少分析員認為現時股市下跌，正係入市良機。
聯儲局今個星期召開議息會議。最新公佈的2月份通脹率(CPI)升幅較上月漲0.7%，高過預期，係2009年6月以來最大按月增幅，主要原因係汽油價格飆升。不過，通脹率仍處於溫和區域。市場估計在失業率仍然高企在7.7%的環境下，聯儲局仍會繼續每個月購買850億美元債券的泵水行動。
投資者預期市場仍然水頭充足，雖然怕調整，又難拾難離。保德信金融集團的市場策略師克羅斯賓表示，「市場仍在消化、觀望、等待下一步方向。」計及週五跌市，美股整個星期仍有唔錯斬獲。杜指及標普500指數分別漲0.8%及0.6%。
內地的鹹水樓風暴有愈鬧愈大之勢。中央電視台上周揭發華潤集團使用不合格海砂起樓，會令鋼根锈蝕，雖然華潤立即澄清，但上周五水泥股已俾人狂隊，跌幅4%至7%，我認為呢?屭⑤i大可小，暫時要避開相關股份，連內房股華潤置地(1109)
都唔好掂住，因為唔知華潤置地有幾多樓係由自己集團建築公司起。 深圳被揭有好多鹹水樓，最觸目的是平安國際金融大廈(平安IFC)亦可能受影響，平安IFC由中國建築承建，尚在興建中，事件受關注，股民當然關注承建平安IFC的中國建築和香港上市的中國建築國際(3311)有無關係，中國建築國際負責人對傳媒話，平安IFC是由中國建築國際的母公司中國建築(在內地A股上市)旗下的中建一局所負責，即係同香港公司無關。
深圳市住房和建設局網站上週六一度登出告示要包括華潤水泥(1313)旗下深圳華潤文偉混凝土等多間公司要停業整頓一年，後來通告又撤除了，不知有關企業是否在「上訴」中。
鹹水樓關乎人命安全，現時不知用不合格海砂起樓到底只是在深圳有，還是全國都有，我恐怕不是只有深圳出現咁簡單。若然係全國性，咁水泥股、建築股、甚至內房股都有影響，或者唔係咁大件事，但暫時唔好去撈呢?曭悒驉A較為上算。
陸羽仁
回應(3) 我想回應
陸羽仁 BLOG 舊文
