中環在線：郭炳江輕鬆跑馬拉松仲有氣撐施政報告 - 李華華
■郭炳江向來跑開步，睇佢一身短褲加手套的裝扮就知係老手。張志華攝
新地(016)兩位老闆郭炳江、郭炳聯繼上月跑完ICC樓梯，噚日又跑馬拉松。差唔多日日跑步?郭炳江約以1小時10分完成十公里賽事，現場見佢跑得幾輕鬆，跑完冇耐仲有氣撐CY上周出爐?施政報告，指扶貧政策好，土地政策清晰，又減少樓價大起大跌?風險。
新地今年第19年贊助「公益慈善馬拉松」，有過千名員工晨早齊集北潭湧郊野公園，參與半馬同十公里賽事，兩位郭生只跑十公里。據聞郭炳江本身鍾意跑步，每日返工前至少跑半粒鐘，難怪跑完十公里都幾好笑容。
佢細佬郭炳聯雖然都有做嚇運動，但明顯唔夠阿哥咁弗、咁好氣，約遲郭炳江半粒鐘先跑完，尾段半行半跑，喘曬氣，但以佢60歲來講都算係咁。
噚日朝早市區得十零度，北潭湧應該再低兩、三度，郭炳江著住短褲，跑完仲有氣同傳媒傾20分鐘先鬆人。無他?，明知大家一定問佢點睇最新?施政報告，佢都早有準備。
■郭炳聯今次係第二年落場跑，雖然冇阿哥咁快，但精神可加。
鼓勵入行做建築
郭炳江認為，今次份施政報告做得最好就係扶貧政策，可以鼓勵低收入家庭同鼓勵就業，但長遠就要睇政府點樣落實同執行。佢又獻計，指建築行業?地盤工人同工程師都好缺人，政府可以諗計鼓勵中學生、大學生入行，前途好好咁話。
至於土地政策，郭炳江認為，政策清晰令未來五至十年土地供應穩定，樓價冇咁易大起大跌。補地價仲裁先導計劃又為發展商提供更大誘因賣樓套現，再買地起樓，變相增加供應，估計每年可增加4,000至5,000夥。
李華華
mailto:LiWaWa@AppleDaily.com
上一則: 日央行撐企業低息貸款擬加碼
下一則: 中環在線：雷軍見李克強 投訴山寨貨 - 李華華
中環在線 - 李華華 舊文
