中環在線：榮智健終再拉頭馬任志剛到場齊齊合照 - 李華華
■榮太子接過一張75萬元支票，眾人齊齊微笑留影；任志剛(左一)榮明方(左二)榮智健(右二)榮太任順彌(右一)。
中信泰富(267)前主席榮智健終於再拉頭馬！榮太子噚日憑「飛影」?尾場跑出，重返闊別多年?凱旋門，榮智健太太任順彌、女兒榮明方同埋金管局前總裁任志剛都有到場，一齊影相。
但呢隻馬確係性格巨星，影相前發脾氣，點都唔肯行埋凱旋門，搞到人有人影相，隻馬就?後面發老脾。
榮太子以前係馬會董事，養過「奔騰」、「活力先生」、「奧運精神」等一代名駒，贏過唔少大賽，可謂叱吒一時?大馬主。但自從2008年中信泰富爆出炒?外?accumulator之後，佢離開公司亦淡出馬圈。
對上一次已四年前
近年佢重新養馬，不過馬運一般，好似前年買入「奔月」，未跑就退役。「飛影」原定舊年12月底初出，可惜出閘前大發脾氣要退出，直至噚日先至正式在港首次上陣，夥拍安國倫跑二班1,400米，終於一擊即中，?尾場打響頭炮，令到榮太子再嘗拉頭馬滋味。
翻查榮太子對上一次贏馬係2010年3月28號，當日「來福」由韋達勝出，但榮太子冇到場拉頭馬。噚日就舉家出動，率妻女打氣，佢老友任志剛亦有現身，大夥兒興高采烈地影威水相。榮太子仲親自領取二班自購馬首度勝出特別獎金75萬元支票，名副其實名利雙收！
提起妻女，榮太子女兒榮明方十分低調，當年?中信泰富任職財務部，爆出炒?外?事件後被調職，後來離開，據聞佢𠵱家?家族控制?隆源企業任職。
【消失的頭馬】
李華華
mailto:LiWaWa@AppleDaily.com
■「飛影」(箭嘴示)發脾氣遲遲唔肯埋位合照，眾人惟有將就嚇離遠影住先。
上一則: 深圳市長撐樓市料今年不會大跌
下一則: 中環在線：體操王子贏馬慶生 - 李華華
中環在線 - 李華華 舊文
