中環在線：超人新玩具中國製盛惠$351 - 李華華
超人愛膽率先玩Made in China賣三舊
超人李嘉誠最近一篇訪問，披露佢上周有個納米LED電燈膽做新玩具，仲話呢款電燈膽勁慳電之餘，唔發熱、唔燙手。
華華即刻上網搵呢間公司，畀35美元加10美元運費(共351港元)買番個，估唔到上周四訂購，兩日後就有貨?，原來都係made in china，生產廠房位於深圳。
超人接受內地《財新網》訪問時親自介紹Nanoleaf生產?納米LED電燈膽，記者形容佢做介紹時，熱情到好似傳教咁，果然係上周至愛。
根據公司網頁資料，呢間Nanoleaf由三位多倫多大學?畢業生創立，其中一位成員Tom Rodinger主力研發產品，佢之前有超過九年時間曾經指導大學學生研發太陽能車，𠵱家繼續研究太陽能產品，希望幫助偏遠地區同發展中國家。另外兩位創辦人Gimmy Chu與Christian Yan似係華人，照咁睇，公司?深圳設廠都唔出奇。
不過，據呢篇訪問所講，每星期都會有一批小玩意送到超人寫字樓，呢班後生仔真係要努力研發，整多幾件超人至愛先得啦。
■呢款納米LED電燈膽勁慳電、唔燙手，成功吸引超人投資。
上一則: 三星租寶哥哥巨舖「佔領」中環反擊蘋果旗艦店 - 李華華
下一則: 中環在線：搵金秀賢代言港產手錶商飲恨 - 李華華
中環在線 - 李華華 舊文
