中環在線：獲批准重建近萬呎大宅
吳光正打造山頂皇宮
■吳光正早幾年已心思思想重建山頂施勳道?大宅。資料圖片
九倉(004)老闆吳光正近年將部份業務交畀阿仔吳宗權接手，可能多?時間留?屋企，心思思想重建自己位於山頂施勳道?大宅。
吳光正自住?施勳道36號大屋，飽覽香港仔一帶無敵海景，剛獲得政府屋宇署批准，可以重建成為1幢兩層高、連一層地庫?洋房，總樓面約9,282方呎，即係平均每層超過3,000方呎。
曾是渣打大班屋
其實吳光正?2011年已經有意重建呢間大宅，想改建成1幢4層高洋房，總樓面仲大少少，有9,367方呎，但係最後冇動工。事隔三年，吳光正寧願犧牲接近90方呎地方同埋起矮一層，好可能係想每層樓面大?、住得寬敞?。
施勳道36號曾經係渣打銀行中港澳區總經理黎恪義住?大班屋。但?1992年初，因渣打旗下印度孟買商人銀行有員工動用銀行存款炒賣股票損手，需要賤賣香港物業救亡，連總部中環渣打銀行大廈同大班屋都要變賣套現，吳光正就?1993年，以5,150萬元執到呢件筍盤。以家陣山頂豪宅呎價最少13萬元計，呢間屋已經升值超過22倍，去到12億元以上。
山頂施勳道曾被外國傳媒評選為全球最貴住宅街道首位，匯聚城中富豪，卓能集團(131)主席趙世曾、世房(813)主席許榮茂、大生地產(089)馬氏家族等名人都係呢個地段業主。
吳光正間屋對面，正正就係新地(016)郭氏家族持有?施勳道35、37、39號同種植道42號，郭氏家族選擇收租唔賣。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
