高盛睇淡油價
2015/05/26 09:08:06
網誌分類: 經濟
美國昨日係將士陣亡紀念日（Memorial Day），股市休市一天。美股上周五回軟，杜指跌53點，收報18232點；標普500指數5點，收報報2126點；納指靠穩，收市跌1點至5089點。美股仍在高位。
市場上周五的焦
點係聯儲局主席耶倫就美國經濟前景發表講話。她認為導致今年首季美國經濟放緩的大部分原因是暫時性因素，但預計未來經濟數據會轉強。她指出，美國的失業率持續下降，4月份降至5.4%，就業市場還未達到充分就業，失業率很可能未充分反映就業市場疲弱的程度。而薪資迄今的增長步調令人失望，不過，叫人鼓舞的是，已有跡象顯示情況正在改善。預計就業和産出今年往後時間內會有溫和的增長。
與此同時，美國4月的新屋銷售，較上月升7.8%，以年率計有53萬9千間，遠多於市場預期的46萬5千間，係7年以來最多；美國4月份扣除食品和能源價格的核心消費物價指數，亦較3月升0.3%，大過市場預期的0.2%，係2013年1月以來最大升幅。耶倫總結時表示，如果經濟狀況好轉，今年仍有可能加息。而剛剛公布的美國經濟數又的確靚仔，特別係通脹率有回升跡象，一定程度重燃了市場對加息的憂慮。股市因為耶倫講話而有少少疲軟。
IG首席市場策略師威斯頓(Chris Weston) 則認為，投資者最怕加息，只要債券收益率持續橫盤或者下行，投資者就會「樂於投錢逐利」。而股票恐懼指標VIX指數仍處於大約12的超低水平，仍較5年平均值大約低33%，顯示投資者真係無有驚過！股市又跌唔落去。
股市無驚喜，不妨睇睇油價。高盛昨日再發報告，睇淡原油等商品，認為近期商品行情反彈，只是暫時現象，佢預期今年第三季時油價，將跌回第一季時的疲弱水平，紐約期油或重回45美元水平。
高盛其實係整體睇淡商品，佢話追蹤24項大宗商品價格的標準普爾高盛商品指數（GSCI），未來12個月總回報率將是負7.5%。高盛認為，強美元是油價回軟的一個因素，另外美國經濟好，新興市場經濟弱，兩者發展背馳，將令商品價格下滑。高盛睇淡銅價，建議投資者在現水平沽出銅獲利，更指現時是非常強勁的賣出機會，並估計未來12個月會下跌15%，因為中國經濟增長放緩，房地產市場轉差，對於銅的需求亦隨之下降。
在高盛唱淡下，紐約期銅價昨一度跌0.6%。紐約期油昨日失守60美元關，低見59.1美元，跌幅達0.8%，收59.86美元。
油價在5月18日上過63.62美元的高位，如今略軟。高盛睇油價45美元雖未算太低，但就認定最近的上升只是虛火。
我認為油價去年下跌和美元急升有關，而近期回升和美元回軟相聯，高盛對油價睇淡的估計，和佢地估聯儲局在9月加息相配合，若加息成事，7、8月時已有春江鴨知情，美元已會上行，到時油價又唔掂。美元走勢和油價咁大的市場，高盛的睇法值得注意。
陸羽仁
回應(12) 我想回應
陸羽仁 BLOG 舊文
