摸魚手劄：係咪要提早收爐？
身邊仲有幾個短炒爬格的朋友日呻夜呻，覺得自己淨番一個月都係唔好亂炒，不如提早收爐過冬？講就係咁講，不過大家第二日都係死死地氣繼續炒。係咪好有同感呢？我的朋友不是我，識我都知我呢排少炒格，又唔係炒開格。
我想講的係市場真係好悶，成交真係好少。如果講到殼股炒
作，比較好都係找一些防守性高的股票，例如全購的股票，因為你知道新主大約成本在哪，心中有一個底嘛。至於成交少的原因不外乎氣氛差，另一個我覺得相關的原因在於炒作的資金動力去到趙薇概念新股中國創意控股（8368）。
坦白講，我個人是看不透演藝名人概念會何可以支撐股價升，不過只要市場受落就可以了。正如我讀經濟學以來都被動接受不要亂挑戰市場威力，因為奇怪的現象必有解釋，只是當刻未找到原因而已。一隻創仔咁樣炒法，大概反映雖然創仔係全配售上市，不過只要概念夠，市場受落都總可炒一炒。
偉志控股偷偷轉倉
至於買殼方式可以再睇美克（953）單刁，我們可以從中看到港交所的決心，太不公平的賣殼方式，港交所是不會接受的，用盡上市規則第14章阻止。睇來以後的賣殼方式最好跟足全面收購去做。
最近有一隻半新股偷偷爬起，那就是偉志控股（1305），圖表上走勢到常對路。這隻半新殼股，市值細細在悶市之中的悄然彈起。剛過這一個星期，公司已經過了一年禁售期，變相可以賣殼了。而且，正手看大股東持貨都多，睇埋頭10大倉位變化，公司相對貨源歸邊。
不過細細粒、夠乾不只是偉志的賣點。另一大賣點在於倉位上的變動。首先，在偉志上市半年後，根據港交所資料顯示，估計大股東有一大手實物股票轉了入倉，這個做法有機會是暗手部署賣殼前的舉動，反映公司半年前已有意搞一些動作。
再看盤路上的變化，公司最近這兩個星期不停有單一大盤轉倉，唔通普通幾十幾十咁轉，而係講緊百幾萬咁轉的大倉。這一期的大倉轉貨活動在公司剛上市一年後就進行，難免令人會聯想到是不是公司提早分配貨源，然後部署暗手賣殼，再反手炒高股票。
渾水
https://www.facebook.com/muddydirtywater
本欄逢周五刊出
渾水
摸魚手札 - 渾水 舊文
