【實力取勝】公司市值唔夠50億點算好（陳承龍）（第86期）
2016-8-21 18:00:52
截稿（16日）之前，深港通突然 宣佈細節，最快要到12月始正式通車，但係最重要嘅嘢，即係可買港股名單，就未有公布，只係提到南 向交易嘅合資格股票係「恒生綜合大 型股、中型股指數成份股、市值最少達港幣50億的恒生綜合小型股指數成 份股，及有A股同時在上交所或深交 所上市的聯交所H股」，並係講明邊啲股可以買得。小弟一班同事，對於深港通真係嚟，仲係12月開波，真係好似聖誕禮物咁，原因唔係我哋係炒鬼，而係我哋6月17日出版嘅第77期《港股策略王》，已話「深港股最後召集」，雖然好多財經傳媒都以呢個做主題， 但跟我哋5月「Buy in May」嗰期，都真係有得執。講真，機會真係話嚟就嚟，只要留意市場狀況，反應夠快，你就係贏家，成日冤市差冇得炒嘅悲觀者，根本有機會擺喺你眼前，都唔 會睇到。
小弟班《策略王》手足，消息一出後不斷list out滬港通嘅南向交易名單，詳情就睇返今期封面故事啦。 至於《策略王》一向都有推細價股， 有fans喺facebook inbox小弟問深港通下細價股點算，等我一次過喺呢度答大家啦！大家記唔記得第82期獨家爆咗「限印股票局大戶炒上」，話港交所會限制上司公司一般性授 權配售股份數量由股本的20%降至5%，令到大戶冇得向下炒，逼大戶只可向上炒。
依家一上到50 億巿值，身價就完全唔同，你如果係大戶，你會點炒？
據某啲權威人士講，依家會唔會通過，都仲係五五波，萬一通過到，即係逼大戶向上炒，加上深港通南下名單限買市值50億的恒生綜合小型股指數成份股，用簡單嘅講法係，所有細價股都以炒到50億市 值為目標，例如唔少小型基金都鍾 意買、已經入咗MSCI小型股指數嘅前進控股（01499.HK），市值15億左右， 要炒上50億市值，股價就要炒上2元。講真，如果市好，幾毫子炒上兩三蚊嘅股，真係多的是，依家一上到50億巿值，身價就完全唔同，你如果係大戶，你會點炒？你會揀依家市值已經夠50億嘅公司同人鬥搶？定係炒50億市值以下股、等坐享其成？
如果要小弟畀心水，除咗掃貨 券商例如中信證劵（06030.HK）、中國銀河（06881.HK）、時富（00510.HK）、英皇（00717.HK）同南華金融（00619.HK） ，中海集運（02866.HK）都不妨望多兩眼。中海集運除咗市值有65億，估計係深港通南下購買名單之列外，呢排波羅的海乾散貨指數（BDI）有見底跡象，加上8月係趕聖誕訂單嘅旺季，中海集運可以話係集多項優勢。而中海集運早前宣布由「中海集裝箱 運輸」，似有大動作跟尾，而且之前冇乜點升過，基金股追落後，都會揀呢批落後分子，佢比淨係深港通概念嘅股多多少少利好因素，可以留意下。
實力取勝 - 陳承龍 舊文
來源 source: http://www.winmoney.hk
