魚樂無窮：轉勢股一觸即發
■日東科技獲紫光集團旗下公司全購，股價可望大翻身。 公司網頁
炒股最重要睇幕後人士成本，人家食大茶飯，但竟然要坐艇，主要目的不外乎悶走老散，再炒上時便更得心應手。當然，低位橫行可以悶你一年半載，撈底機會成本極大，如何掌握轉勢訊號至為重要。
日東科技（365）
今年初獲紫光集團旗下紫光科技提出以每股1.7元全購，交易於今季完成，股價卻跌足一個月，最新較全購價低15%。不過，最近有跡象顯示，日東蓄勢大翻身。
公司周二晚宣佈有人事變動，其中紫光集團副董事長李中祥及執行董事王慧軒，只待股東特別大會批准，即可入董事局，連同早前新任主席齊聯及夏源等，新主班底已成形。要留意嘅係，現時日東公眾持股只得23.4%，未符合最低要求，聯交所要求最遲11月底要執行。點樣先可以搞掂？最簡單就係批新股出街，但現價批股大股東咪好蝕？所以下一步係點，會否配合改名做啲嘢？自己加點想像力吧。
補充一句，紫光集團乃清華控股附屬，清華控股則為清華大學國有資產管理公司，紫光集團未來五年目標營業收入達1,000億美元，係日東市值嘅380倍，注資憧憬有幾大，計數機都計唔到！
唐牛
http://www.fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
