股場解密 - 歐陽風 2016年11月11日
【股場解密】手機零件股睇呢兩隻（歐陽風）（NOV 11）
2016-11-10 19:33:38
特朗普當選美國總統後，全球股市暴跌只維持了幾個小時，然後就是美股大幅上升，連帶全球股市回穩。本港大部份報章媒體評論人一律睇錯市，以為特朗普提出保護主義令全球經濟衰退，股市因而會大跌。
事實上從華爾街炒家們的極速反應就知道事實並非如此，美股睇升的原因也並不複雜，特朗普多年來信奉槓桿借錢做生意原理，為刺激經濟與就業，一定會大灑金錢搞基建、財政刺激，這會令美國長債上升、美元吸引力大增，令美元前景睇高一線。
美元長線前景樂觀，會吸收環球資金流向美國及美元，美元目前無息，可以暫時停泊在美股，之後轉泊入美元債、美企債以至美國物業，一於賺盡滙水，同時賺美元資產升值。
因此美元同美股係無得跌，港股在此情況下亦唔可以睇得太淡。今日升市有兩隻手機概念股炒起，分別是比亞迪電子（00285.HK）及丘鈦科技（01478.HK），兩隻股票技術走勢都靚絕，比亞迪電子更裂口升穿重要頂部阻力，反映手機零件股被市場睇高一線，而丘鈦科技在大升浪初期曾經介紹過，是一隻小型舜宇（02382.HK），完全受惠AR/VR概念。
舜宇市值432億元，呢轉調整無乜跌過都可以單日急升5.6%，丘鈦科技已證實了業績靠得住，市值才41億元，十分一都唔夠，後市爆發力肯定驚人。
#股場解密 #歐陽風
作者簡介：擅長鑽研公司通告與財務報表，發掘細價股、財技股及增長股
股場解密 - 歐陽風 舊文
來源 source: http://www.winmoney.hk
