【不問價追】聖誕鐘買乜好？（小炒王梁心欣）（第102期）
2016-12-11 15:00:16
小炒王嚟到12月有個好開始，一來新公司開張，二來炒股得心應手，再加埋12月係普世歡騰嘅聖誕節，所以今年12月特別興奮。上一篇講到我開咗間專做財經直播嘅公司，Alpha bu
ll limited，仲以自己做生招牌，創立節目Tasty money，更將頻道發放到香港同埋內地兩地，仲特別選喺深港通開通之前成立，已備衝擊北水來港實炒嘅狀況。
好多人都話深港通冇料到，不過大家細心啲諗下，當年滬港通開通都需要一段時間磨合，意思係要內地人有信心買港股，都要畀人熟習下。加上今次揀係12月開車，令好多想炒作的資金都避一避先，原因好簡單，又遇著美國加息在即，仲有基金經理例牌放假，仲有係出年1月尾就農曆新年，長假日子咁近，絕對影響到資金部署，所以提提大家唔好咁心急，等假期一過，北水有機會湧落來玩返轉，大家要放假、要去旅行，都快快手搞掂，好好把握之後嗰一浪。
入返正題先，我話呢期炒股得心應手，其實都歸功於小炒王國重見天日，好多戰友都拔刀相助，但勢估唔到佢哋貼嘅股仲勁過小炒王，搞到我面目無光。例如： 12月6號，蔡進係小炒倉推介彭順（06163.HK）。呢隻小炒王喺新城都有推介，當時處於$1.47-1.5。點知行咗兩三星期都冇表現，只是徘徘徊徊冇咩表現。點知當日10:15畀蔡進一點評，彭順就由$1.58開車發力到$1.98，嘩嘩嘩，由佢開金口，到下午1點幾，隻股升成兩成幾，估唔到呢道力咁誇張，連我都睇到眼突突。
咁小炒王都唔係咁輸蝕嘅，推介過嘅現恆建築（01500.HK）、安寧控股（00128.HK）都有好表現，即時無咁瘀。嚟緊小炒王會特別留意出口股，尤其是航運相關，我哋見到相關嘅股份已經非常低殘，加上之前美國總統大選，特朗普當選令到出口股再沉多一浸，只要美國經濟持續復甦，人民幣貶值刺激出口，航運相關股就會走出谷底，當中可以留意勝獅貨櫃（00716.HK），呢隻股真係殘中自殘，不過從圖表中睇到的聰明錢開始駐紮，跟一轉順風車相信無問題。
仲有年尾例牌要留意半新股。當中祈福生活（03686.HK）幾有潛力，只要一直企喺上市日的收市價$0.62，就可以上車博佢第一站見$0.8，再遠啲望佢接近$1。
在此祝大家有個愉快嘅聖誕，最緊要聖誕鐘之前買定心水股，咁之後就可以買聖誕禮物呀嘛！
不問價追 - 小炒王梁心欣 舊文
來源 source: http://www.winmoney.hk
