剃頭式買股
2017/01/03 08:53:52
網誌分類: 經濟
2017年開局，阿爺嚴隨走資，想阻斷走資促使人仔下跌的惡性循環，避免出現去年初人仔大跌的惡浪，所以嚴限內地人換匯出境的用途，講到明換匯出境買樓，買保險或投資都免問，阿爺咁做止唔止到血唔知，準備工作做到足。
2016年美股的
成績，認真不弱，杜指大升13.4%；標普500指數升9.5%；納指升7.5%。
當中表現最好的板塊係能源，全年累積升幅接近24%！其次係金融股升19.9%，電訊股排第三，升18.4%。醫藥股最差，逆市跌4%(受希拉莉和特朗普都要打擊無良藥廠影響)；其次係地產股，跌0.9%，排第三的是必需消費品股，升3.1%。
值得注意的是，投資者和分析界對於2017年的睇法頗有分歧，投資者似乎仍然樂觀，特朗普效應依然方興未艾。不過，分析界就比較謹慎，認為美股的升幅，可能已經反映了在去年的升勢上。Raymond James公司的機構證券部門總監David Schaffer就指出，特朗普上正式上台後，政策能否如預計的順利開展，將對美股做成比較波動的影響，另外，中美、美俄，以至中東的地緣政治局勢緊張加劇，美元和美息都預期上升，將不利全球股市。
全球股市，特別係上半年，都會比較波動。此前我提過買股要做功課，唔能夠只聽貼士。你要先做功課，睇啱一隻長線升值的好股，所謂好股，就係有比較好的基本因素、管理不錯、生意賺錢前景亦較高的公司。搵到好股後你或者會問，在現時這種波動比較大的市況，股價上上落落，中期都可能得個桔，有沒有可以利用這隻潛力好股賺錢的方法？
在上落市中，有一種「剃頭式買賣策略」，可以透過短期價格波動中獲利，供大家參考。方法亦好簡單，首先，你將要買入的股票分四注買入，在股價回落後，每星期、甚至每個月買入一注，例如每注1000股。買完之後計個平均價(或者買唔齊4注)，等股價每升5%，你就沽出1000股，就像剃頭一樣，每「剃一次頭」，你就可以賺一些落袋，如果你真係好喜歡這隻股票，不妨留低1000股。
沽完之後，就係等啦，等股價回落到你當初的買入價（要留意的是，股價回落的原因係隨大市變化，而不是你的股份本身出了問題，要留意公司的業績及業務前景分析。），便可以分注買入。整個過程就係睇住股價升跌做人，加加減減。
不要睇小這5%，好似濕濕碎，隨著大市上上落落，你的你利潤隨著時間累積。這種炒股策略，好處是避免一下子放太多錢在一隻股票之內，否則股市突然大跌，或者跌完再跌，都唔會手上無子彈食到升浪。遇上特大跌市或超級升市時，呢種手法會輸錢或賺少咗，但在上落市就好啱用，香港就經常出現上落市。
陸羽仁
回應總數(9) 會員回應 | 非會員回應
1點
回應載入中，請稍候... 
本網站之所有網誌文章及回應內容均屬網友其個人意見，不代表「頭條網」之立場。
陸羽仁 BLOG 舊文
來源 source: http://blogcity.me
