一路一帶 - 斯郎 2017年5月25日
一路一帶：Call車App禁之不絕
■政府高調打壓Uber，阻嚇不到勤力及肯變通的司機。 資料圖片
警方日前高調開記招宣佈拘捕Uber司機，呢場大龍鳳可以話為的士牌主打下一支強心針。不過其實現時勤力的Uber及的士司機，一早已建立強力及完善的車隊網絡，政府要為車主等既得利益者打壓異己，只是隔靴搔癢。
的士司機服務態度有幾「優秀」相信唔使再多講，每次截的士前，都已作心理準備，若果上了一架車頭冇放電話嘅的士，九成都是跟不上潮流及科技嘅司機，只靠馬路上兜客，冇手機App幫助，肯肯定會嫌棄細單，過海唔想去，太近會黑面，繁忙時間唔去旺區，夜晚一定唔入尖沙咀，甚至拒載。
車頭放幾部電話嘅，都係靠App接客，更會用埋的士司機專用Call車App，同背後的團隊交流，其實就好似Uber司機一樣，每個的士App都有一套服務標準，被客投訴後會被罰停賽，禁止在App上接客，作為乘客，Uber冇車，必然會用的士App Call的士。
司機跟上科技潮流，用App接客，點對點載客，可以揀自己鍾意接嘅單嚟做，省卻在馬路兜客的不確定性，根本唔使因為接細單而黑面，更慳埋兜客等客的時間成本。
某個車隊有近100部車的司機透露，他一日做9小時，根本上每張單等待時間不超過5分鐘，每日生意額超過2,500元，扣除車租及油費等成本，月入3萬元，與全職Uber司機不相伯仲。
車隊有規模效應，除了幫車隊搶單，更儲落一批熟客，除了的士App接單，更會有司機群組接客，熟客甚至不用在App上落單，有部份的士司機及和Uber司機建立群組，齊齊接客。
政府高調打壓Uber，根本阻嚇不到勤力及肯變通的司機，阻止不到時代巨輪的變遷，一男子只有個多月任期，各位Uber司機，請繼續加油，捱到7月又有新景象！
斯郎
https://www.facebook.com/oneroadonebelt/
本欄逢周四刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
斯郎
~TITLE_S~一路一帶 - 斯郎 2017年5月25日 舊文
來源 source: http://hk.apple.nextmedia.com
