趣BLOGBLOG：李嘉誠73億回購的盤算
■李嘉誠
這邊廂賣樓，那邊廂回購，所講的是首富李嘉誠旗下的長實地產（1113）。荃灣海之戀6日沽842夥套現逾89億元，而長地自去年3月中旬開始，至今年5月底為止，就展開了44次回購行動，涉及資金達到73億元。
公司回購並註銷，大股
東即變相增持。去年底超人持股為30.38%，最新已升至31.22%，持股維持11.619億股。按照回購守則規定，大股東每年最多增加2%股份計算，即超人持股最多升至32.38%，年內長地可回購約2.36億股份。今年首五個月長地已回購1.02億股，換言之，未來7個月長地仍可回購約1.34億元，以最新股價58.9元計，涉及金額達79億元。
公司回購原因很多，弄財技的有，撐高另有所圖亦有，但有一點可以肯定，就算唔買，亦勿沽空做淡。最佳例子是恒大（3333），今年迄今12次回購共斥資71億元，睇唔順眼沽空，結果是被挾死，今年股價累升近兩倍。誠如滙控事先張揚做嘢，年內36度回購斥78億元，股價亦有近一成升幅，睇淡沽空亦慘淡收場。
樓價（CCL指數）過去一年升了超過23%，恒生指數同期升了約24%，長實地產則升了20%。相信樓價今年底開始調整前，地產股還有一浪升勢，坊間大行唱好長地，不外乎美利道地皮超高價成交有利長地中環物業善價而沽，或者海之戀入賬豐收，但超人73億甚至可能百億回購的盤算，放長線釣大魚的目的相當明確。
強調一下，睇淡樓市，不代表亦要睇淡地產股，投資角度下，關鍵在於流動性。辣招稅因素令樓宇買賣成本不輕，3年內沽貨就要繳印花稅，遇上市況逆轉，劈價賣樓是常識吧。相反，地產股睇錯，肯止蝕走，輸極有限。最後利益申報，持有長和系股份包括長和（001）、長地（1113）、電能（006）及長建（1038）。
股榮
https://www.facebook.com/stockwing1
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
股榮
趣BlogBlog - 股榮 舊文
來源 source: http://hk.apple.nextmedia.com
