細奀時代：兩種病毒蠶食香港
■《打死不離三父女》好評如潮，Celine爸爸卻被指摘，可見香港人經常雙重標準。 電影劇照
香港人經常雙重標準，Celine Tam爸爸被指靠個女上位，印度片《打死不離三父女》就好評如潮，個個睇到熱血沸騰。其實片中培養兩個女兒摔跤的嚴父，何嘗不折不扣一個
怪獸家長，卻被大讚為改變社會風氣。人越大，就越明白很多事情不外乎是選擇，沒有絕對的對與錯，要練摔跤，便要晨早五點起身狂操，猛食雞肉補充蛋白質，要唱好歌，同樣要投入練習。兩者都需要犧牲原本玩樂的時間，成功是沒有捷徑，必然要付出代價。
旁人之所以指指點點，是因為習慣了不認真，苟且交差小確幸的生活。既然努力不保證有回報，倒不如舒舒服服退而求其次。正如一個電視廣告所講，無嘢好撈過KOL。絕大部份KOL，都無經過晨操晚練，只不過訴諸情感或性感，有條好路，又何必難為自己。看看阿叻講波，大台直播app以打機打麻將作招徠，毫無內涵，甚至已經去到但求有製作交功課，幾多人睇都無所謂的地步。
不肯努力推卸責任
有兩種病毒正在蠶食香港，第一是工作要求低。社交媒體的盛行，製造大量內容的需求，香港市場細，一條直播有300人睇已經叫做好多，好同唔好，偏差頂多一百幾十，又何必認真，於是一味重量不重質，個個不加思索，埋位求其亂咁吹，校對這種工作早已消失。第二是社會瀰漫的反中仇富情緒，由於有市場，於是不停被消費。社會制度縱使如何不公，一味埋首追求公義，而忽略自己要努力，只是一種焦點轉移，將責任推卸給政府。
在回應區出現最多的，是「垃圾」兩個字。自以為高高在上，留一句謾罵評語毫不費力，可是人家贏也好，輸也好，都投入過努力過。這個世界一山還有一山高，最終空手而回十分正常，但能夠超越自己便應該算是成功，不去支持鼓勵也就算，又何必涼薄到去拍片挖苦，消費一個小朋友。
因為自己的一事無成，於是香港人也不撐香港人，不想背景相若的人出人頭地。大家都得過且過，總之有嘢填滿五分鐘的直播就算，盲目求量而不求質。其實最大問題，是感染下一代承襲交表面工夫這一套，再難在國際社會中比拼。
阿飛
本欄逢周二刊出
阿飛
細奀時代 - 阿飛 舊文
來源 source: http://hk.apple.nextmedia.com
