【不問價追】999 響起了（小炒王梁心欣）（第150 期）
2017-11-9 20:00:22
踏入11月，率先來個雙十一，然後Thanks Giving同聖誕新年，係消費旺季，Amazon老闆都做埋首富，仲要今次唔再係幾分鐘嘅事。九月尾，我講過消費股係第四季之選，小
炒王早前都同大家推介咗利標（00787.HK）同利邦（00891.HK），係咪好好炒呢？而小炒王相信利豐系全線大翻生，不過我唔係推介利豐（00494.HK），而係香港fashion領軍之一的I.T（00999.HK）。
睇返公司最新一份業績，公司中期總營業額增長0.2%至36.52億元，毛利增長3.4%至22.83億元，純利大升55%至5,975萬元，而系內品牌A BATHING APE熱賣，日本及美國大幅增長達3成，中國則有見底回升的感覺，香港同澳門則調整步伐之中，倒退一成左右，小炒王睇完盤數幾滿意，尤其係毛利率大幅改善，未來只要大中華地區成功重拾增長嘅話，相信公司股價好大機會倍升。
而公司通告《有關在中國上海開設老佛爺百貨之意向書》裡面，相信好少人留意，就係巴黎老佛爺百貨（中國）有限公司（「老佛爺中國」）係由老佛爺同IT各自擁有50%權益之合營企業，而目前係中國唯一一間百貨，未來係上海有意再開多一間，相信老佛爺呢個品牌的百貨，好大機會未來在中國成功發展下去，而真係好少人留意到呢樣嘢。
第三，既然公司開始turn around，未來有望隨著中國人富起來時一同增長，而公司手持嘅品牌都係潮牌，小炒王呢方面好有信心會得，睇返公司股價，出完業績後有資金獲利，但股價回吐後重上4蚊水位，市場係50億附近，呢樣嘢就係小炒王最喜歡嘅位，40幾億、50億邊嘅股票好好炒，因為只要維持到呢個水平，隨時入到深港通，若果市值再往上突破到60-70億水平，就會加速，一旦IT成功入到深港通，股值有望提升多一兩倍，因為國內人好LIKE呢個品牌。所以今日小炒王推介，中長線收集IT。
我自己就率先買入Bathing Ape一件，率先感受一下！
不問價追 - 小炒王梁心欣 舊文
來源 source: http://www.winmoney.hk
