【股場解密】醫藥股有買貴無買錯（歐陽風）
2018-5-16 8:30:32
早於上星期，中金已出咗份報告講A股入摩對各類股份影響，雖然入摩股份的計算有點複雜，但大局係多咗股份入圍，而海外上市中資股份亦會有攤薄效應，因此騰訊（00700.HK）會有被動資金流出係意料之內的事，
唔明點解大家都在今日先至作出反應。
同樣一早俾咗貼士大家的，是一眾醫藥股因股價升咗市值大咗而入指數，亦係唔明點解今日至升得咁激烈。上星期報告出街時，講到明會受惠的股份如藥明生物（02269.HK）仲係71元，現在已升了10元至81元以上。
既然市場資金要等正式公布才入市掃貨，現在才跟風入市買醫藥股又未見得會係做錯，皆因真係有錢流入相關股份，投機資金入市只係加速升勢而唔會影響大方向。
三生製藥（01530.HK）乃筆者心水股，該公司為中國領先生物製藥公司，核心產品包括特比澳、益賽普及重組人促紅素產品益比奧與賽博爾。仿製藥領域方面，集團亦取得不俗進展，產品代號701為治療轉移性乳腺癌的生物仿製單克隆抗體，現時處於新藥臨床申請階段。
大摩報告指，三生製藥去年下半年銷售僅增36%，比該行預期差，主因是受到內地實施「兩票制」影響，該公司的純利表現則符合預期，相信現有業務增長動力依然理想，加上百達揚（Bydureon）將帶來貢獻，集團2018-19年的銷售增長率有望提高至30-35%，預計2020年將增長19%，建議買入目標價21元。呢個目標價隨時有望調高，因此三生大可逢回吐吸納。
歐陽風
股場解密 - 歐陽風 舊文
來源 source: http://www.winmoney.hk
