一路一帶：可怕的壟斷式零售
■大陸人覺得香港是購物天堂，但其實香港買嘢一啲都唔抵。資料圖片
香港這個國際金融中心，以自由市場聞名於世，但其實做生意一點也不自由，表面自由貿易，但實際是個玩左手交右手、壟斷抬價的不公平市場，只要傾掂「獨家代理權」，便可以享受零關稅式壟斷零售。
香港壟斷零
售的大公司，多到數唔曬，透過傾代理權，便無腦式將貨品運往香港傾銷，大陸人覺得香港是購物天堂，但筆者眼中，香港買嘢一啲都唔抵，幾大家族將貨源牢牢控制於手，本來有1萬種貨，香港只可以賣1,000種！少競爭，自然可以賣個好價錢。汽水唔可以賣得太平，做壞規矩的士多，唔供貨！阿信屋的經歷，相信各位讀者都記憶猶新。要買外國零食，Sorry，以前得一間供貨，要攞貨唔預你玩！駕車人土更加深知油魔可恥，過去兩年油價長期低迷，入油卻不見得有平過，最近油價回勇，各位車主捱下啦。
壟斷貨源，配合地產霸權，除咗賺差價，仲賺埋你租金，超市「上架費」，唔交錢連賣嘅資格都冇！崇洋心態+Marketing又係賺差價嘅極致，英國一支普通蒸漏水，喺香港可以賣貴幾倍價錢；記住，水並唔係iPhone，唔係別注版波鞋，炒嘅價值係零。香港做生意其實幾好賺，有大量現金流嘅企業，輕鬆賺息差，懂得玩財技的，更會炒埋物業。只要壟斷生活必需品，例如食物、能源、住屋、電訊，便可以舒服地數銀紙，你見首富李嘉誠，透過上市公司持有，都是這些行業，要創新？要藥物？都係基金會私人投資，講咗咩，大家都可以參透。
後記：筆者仍然對香港樓市感到絕望，加息推唔冧樓價，筆者有一群公務員朋友，他們經常說，樓並非拿來炒，而係用嚟住，呢班人有鐵飯碗，穩定豐厚財富，但精打細算，從未入市，當熊市真正來臨時，這些實力派有足夠購買力托市，樓價跌兩成？仍然買唔起吧！
斯郎
https://www.fb.com/oneroadonebelt
斯郎
~TITLE_S~一路一帶 - 斯郎 2018年5月24日 舊文
來源 source: http://hk.finance.appledaily.com
