金手指：一招擺平貿易戰
小米（1810）抽完，HIBOR回順，股市反彈。後市又放眼聯儲局同貿易戰。不過今期，連聯儲局都話睇貿戰戰況，去決定利息。更唔講我國中央。
特朗普，佢基本上越戰越勇。將多年來花旗國人原本覺得為世界更好嘅奉獻，變成覺得俾人搵笨嘅位，逐個攞出來打。我都係嗰句，對付特朗
普，就好似對付港女咁。
港女考慮，排第三係講著數。大家就係咁話大陸要冇事，就要畀著數。不過事實已經證明，之前大陸啲讓步冇一個work。所以冇著數唔緊要，因排第二係有冇feel。花旗國人對住一個又一個舐佢甜頭，不過又要話佢衰（歐盟），冇feel。
呢個大陸人（中央轉軚都太遲）日日話自己有幾勁，不過好多小動作，就確實冇feel。
不過冇著數冇feel都唔緊要，因港女最緊要係乜？就係面。你諗嚇，個個國家對美都有貿易盈餘，不過打來打去，都唔搞日本？就係因為佢嘅首相，同特朗普握手時，擺到明做鵪鶉，beta male。個樣要痛，隻手要紅。咩法國、加拿大啲領導，話同特朗普鬥力喎，咪舐嘢囉。
所以，下次習大大見特朗普，好似安倍晉三咁握手，貿易戰會迎刃而解。香港、台灣人，條氣又順。大陸人又會因防火牆，睇唔到，繼續有自己獨特一套reality。咪話孫柏文冇為國家獻計啊！
孫柏文
獨立股評人
http://fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.finance.appledaily.com
