一路一帶：遏抑樓價得一招 - 斯郎
政府若然想幫港人安居樂業，不妨學嚇大馬總統，禁止外國人買樓。 資料圖片
自從「娥六招」推出後，今個星期有多個新盤混戰，將軍澳某新盤今次被迫要推400幾個單位，但觀乎發展商開價、策略等，似乎辣招對樓市無乜作用。
資金不斷流出香港，息魔又殺到埋身，但發
展商操盤首先穩住樓價，今次呢個盤開價進取，創該區開價新高，睇嚟對後市充滿信心。同時，發展商唔提供嘅高成數按揭，完全唔驚買家上唔到會，好多人話「等佢滯銷咪死死氣推個高成數出嚟！」發展商當然唔笨，採取餓鬼政策，由講開價到賣樓日子，足足拖成半個月，發展商講到明收嚇票先，唔急住賣，將班準買家餓夠先；政府要每次賣得多單位，但冇話唔可以拖長嚟賣喎！
最近越來越多重量級人馬出嚟講樓市，「黃大仙式供地」，「香港人一定要北上大灣區居住」，聽到市民麻木曬，其實叫人北上買樓同發展嘅高官，身體「最很實誠」，仔女一定喺外國讀書，拎歐美護照。
政府若然想幫港人安居樂業，不妨學嚇大馬總統，禁止外國人買樓（雖然只係總統講嚇，仲未成事），港人港樓唔係冇作用，只係規模太細，唔好話禁止，只要將BSD稅加到100%，已經有明顯作用。
斯郎
http://fb.com/oneroadonebelt/
一路一帶 - 斯郎 舊文
來源 source: http://hk.finance.appledaily.com
