中環在線：調查：港女打機癲過男人 - 李華華
遊戲數碼港電競發展主管梁德明（左）指手機玩遊戲較方便，容易吸引女性玩家。
唔少男士都ff女朋友會陪自己打機，但實情港女分分鐘比男士更沉迷遊戲。支付平台PayPal嘅全球電玩調查顯示，近半香港電玩玩家有每日玩網上遊戲或手機遊戲嘅習慣，高於
全球平均數39%，而香港玩家之中，有53%女性表示會每日打機，較男性嘅43%高。
而且女士偏愛手機遊戲。調查顯示最常用手機打機嘅玩家中，有三分二為女性。遊戲數碼港電競發展主管及青年組經理梁德明解釋，手機玩遊戲較方便，近年手機平台推出唔少休閒類遊戲，例如煮食遊戲等較生活化，加上部份遊戲可連接到社交平台，造成社群效應，較易吸引女性玩家。
至於政府早前撥款興建嘅電競場地，佢指，位於數碼港嘅電競館將於今年底完成首期工程，可舉辦中小型比賽，容納約500至600人，而明年第二季場地落成後，仲可容納過千人。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
