【魚樂無窮】港股蜜月期展開？（唐牛）
美國中期選舉結束，未有帶來驚喜或驚嚇，美股反應正面，連帶港股亦守在26000點關口。「咁樣就叫蜜月期？連50天線都升唔穿，明明就係炒緊波幅！」是的，如果睇指數，仍然在20及50天線徘徊，升唔穿亦跌唔落，但只要將鏡頭轉向細價股，尤其是一批明星半新股，
你其實置身於大牛市。
名醫林順潮旗下的希瑪眼科（3309），單計11月累升八成，毛記葵湧（1716）亦升五成，還有其他奶茶、咖啡、Lego等品牌，全部由低位報復式反彈。基本因素有變嗎？當然沒有，改善的只是投資氣氛，港股在連跌6個月後漸漸企穩，中美就貿易戰頻頻釋出善意，資金風險胃納上升，貼地啲講，就係炒鬼餓咗好耐，要趁勢出來覓食了。
炒風能夠維持幾耐？冇人知道，只能見步行步，但主觀意願可以玩耐少少，始終G20峯會月底舉行，市場對習近平及特朗普會面有一定憧憬，或多或少都會吸引資金入場走番轉，加上短炒客近排應有錢贏，在信心慢慢回復下，有望搞旺個場，良性循環就這樣形成吧。順風潔能（1165）近期受惠光伏股補貼消息造好，加上正獲央企中核旗下基金洽購，炒作概念打孖上，昨日創出近一年收市新高，下一站向0.4至0.45元區間進發。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
