笑到最後 - 高明 2018年12月10日
笑到最後：一早話Twitter先係真 - 高明
恒指26100點有一個算幾強嘅支持位，嚟緊兩日，上破就睇升，跌穿就睇跌，市開邊面就造邊面。 資料圖片 適中字型 較大字型
上星期本欄指出，華文傳媒覺得G20中美協議是一大利好消息，中美有望和解停戰90日，諸如此類，本欄則引述過去無數次往績，指特朗普Twitter才是真正意願，可以保持樂觀，但不宜跟車太貼。
隨後恒指以升超過700點回應，高明當然認為並不合理，到周二收市後特朗普自稱「關稅超人」，證明中美達成共識是華文傳媒及投資者一廂情願的想法，並在網台表示已造淡。隨後加拿大拘捕華為CFO，令恒指跌最多804點，跌得比高明想像中快，這個跌幅是市場送給相信常識的人。
不過，亦有部份睇錯，例如美國財長姆欽指出，中方提出超過1.2萬億美元購買美國貨的額外承諾，絕對令本欄跌眼鏡，亦證明我國財力超凡，或許未來會繼續用同樣嘅經濟手段震懾美帝。
下一步，高明預計，已經發生拉華為CFO嘅核彈級消息，即使美國仍有ACE在手，都唔會一鋪過用盡手頭彈藥，今年餘下時間應會交回市場好淡互片。
純粹從消息而論，短期應冇比拉華為CFO更嚴重嘅事件出現，之前有傳中國國務院副總理劉鶴可能於12月中旬出訪華盛頓傾貿易戰，事實上得返不足90日一定要有人去傾，按慣例官方公佈任何聲明，市場一定會轉化為挾升動力，加上年底粉飾櫥窗及補裂口等理由，照計造好值博較高；偏偏若簡單以牛熊街貨去評估，市場睇好一方仍然戰意高昂，一般嚟講都會先殺清太貼價的投機份子，之後先出另一個方向。
呢啲時間梗係不問蒼生問鬼神。恒指由低位計26100點有一個算幾強嘅支持位，放棄立場，嚟緊兩日上破就睇升，跌穿就睇跌，市開邊面就造邊面。不過，上下空間似乎都少過一千點，會以無間地獄形式輾轉上落，過年前不如心足少少有得食，幾百點都食咗個尾糊先。
高明
http://fb.com/bigricetea
本欄逢周一刊出
笑到最後 - 高明 舊文
來源 source: http://hk.finance.appledaily.com
