金手指 - 孫柏文 2019年2月19日
金手指 ：波叔是蘇斯克查？（下） - 孫柏文
陳茂波早排「派四千」，唔少人謾罵，過波叔都唔動搖。 資料圖片 適中字型 較大字型
上期我話財政司司長陳茂波，喺呢幾個月將費格遜式足球，重帶回曼聯嘅蘇斯克查。因孫柏文成日覺得殖民年代嘅香港，就係費格遜年代嘅曼聯。而波叔，真係有嗰種當年嘅風格。
點解？早排「派四千」，唔少人謾罵波叔。話：「用咁多行政費，不如全民派啦！」不過波叔都唔動搖。香港人，唔怕你政府廢，最怕你嘥錢。呢個雖然唔得民心，不過就係喺冇民意授權下，唯一能穩住政治控制權嘅方法。英國佬嘅神髓。
啲好打得嘅人，唔擺明媽叉你，其實係曲線肯定你。例如當年政府起嘅大廈，要實而不華，當年唔知幾多知識份子，日日話政府起嘢「好核突」、「不思進取」等。特區啲手好打得，不過冇腦嘅官員，就會認真檢討建築風格，希望「做得更好」。
殖民時代呢？啲鬼佬官唔知幾開心俾人鬧核突，因為每次有人鬧，聽嘅人就會更信「嘩！呢個政府cheap到呢！」即係政府會去到幾盡去唔嘥錢。波叔唔知係特登，定係符碌撞棍，希望佢可以維持表現，做我哋嘅蘇斯克查。
尋日同梁心欣傾計，我問有乜好買，佢話不問價追映客（3700），甚至叫我沽俄鋁去追。我唔識大陸網，不過好少見心欣咁迫我買一隻。唔知係真朋友，定係要我接火棒？你哋自己盤算我兩友誼有幾堅。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com
