智取大市 - 晉佳 2019年5月27日
馬上成為壹會員
會員註冊/登入
【智取大市】平保成後市指標股 - 晉佳
選擇撈底，平保係大價股好選擇，觀察後市，亦不妨以平保為指標。 資料圖片 適中字型 較大字型
1月至4月份升市，夾雜幾個利好因素，第一，特朗普政府對華強硬政策放軟；第二，美國暫停加息；第三，中國緊縮周期完結，進入派餅周期。
至於現況，特朗普政府對華立場變得強硬，觸發市場約3,000點跌幅，而市場未屆美國減息憧憬之時，中國寬鬆周期則未完結。恒指由高位下跌咗之前升幅嘅一半左右，若計及港股嘅賬面值經過半年roll over效應，估值下跌幅度已明顯超過升幅一半以上，算係合理地反映上述事件發展，即使目前未必見底，但相信已是偏低水平。
當然，特朗普幾時發完癲太難估，但嚟緊一星期，係一個好好嘅觀察期。特朗普話將抵制華為加入貿談一部份，是否會按照舊年慣性、狙擊完中國就將矛頭指向其他國家？究竟港股會唔會趁機反彈？資金肯入市的話，先對乜嘢股份重拾興趣？
大價股裏面，平保（2318）同埋友邦（1299）可視為指標，兩隻股優質、兼且貿戰及科技戰影響非首當其衝，若然資金對中資股重拾興趣，平保可謂大戶必掃對象。掉返轉頭諗，連平保都唔升，後市好打有限。選擇撈底，平保係大價股好選擇，觀察後市，亦不妨以平保為指標。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
