金手指 - 孫柏文 2019年5月7日
馬上成為壹會員
會員註冊/登入
【金手指】侵侵網言有路捉 - 孫柏文
侵侵喺Twitter寫咗兩個post，滬、深、港三地股市噚日蒸發億計市值。 互聯網圖片 適中字型 較大字型
周一淩晨，美帝總統侵侵用102隻字寫咗兩個post，滬、深、港三地股市蒸發億計市值。
咁點部署？首先，孫柏文作為俄鋁（486）股東，非常鼓舞。因過去十年，大陸銀行盲目放貸畀啲鋁廠增產能，政府又隻眼開隻眼閉咁畀佢哋燒啲汙糟碳產電，去煉啲最終要蝕錢嘅鋁。早前係咁傳話美帝見我哋國家咁強，不斷退縮。我都驚侵侵唔逼大陸鋁業，令全球齊割喉情況會持續。
不過，侵侵淩晨嘅post又再令我重拾信心。乜嘢協議，最終一定包括大陸鋁業大規模減產能，仲要有懲罰機制。結果係要令世界鋁價見到好似食春藥咁「動L」。
另一我見到嘅情況，就係要小心傳媒。外國記者反侵反上腦，所以香港人唔好睇外國分析去估下一步，超唔準。不過香港亦唔好得多，太多舔共傳媒，周一友報網上分析話侵侵「恐惹火北京」喎。又講到大陸一定反枱，因為大陸政府世界最強，宇宙最穩呀。點知收市後，大陸已經擺出淆底格，人哋Twitter上刮你左邊面，都要飛去華盛頓俾人刮埋右邊面。
侵侵喺網上講過N咁多次話由敘利亞撤軍，到今日，敘利亞都仲係通街美帝大兵。聽侵侵講嘢，係要take him seriously，but not literally㗎。不過中央早知今日，就會唔畀肥仔金周末射火箭了。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com
