金手指 - 孫柏文 2019年7月16日
【金手指】港英狀元等西環聖旨 - 孫柏文
香港今日，特區政府誠信耗盡，面對呢逆境牌，一眾填鴨式教育精英技術員，只能等西環聖旨才出牌。
資料圖片 適中字型 較大字型
示威遍香江，香港今日，真係冰封三尺，非一日之寒。呢排，我開始睇番砵甸乍嘅故事。最大教訓，就係想明白點擺平現今香港，model answer就係要明砵甸乍師傅，即東印公司Elphinstone嘅嘢。
世界各地百年共產政權歷史中，從未試過管一個資訊完全流通嘅地方。而我都係嗰句，英國殖民政府學到嘅教訓，就係如果要喺資訊完全流通，兼冇民意授權下要維持威迫能力嘅專利（即係做政府）。就要盡一切方法唔用嗰個威迫力。而當政府做乜都會牽涉威迫力，最少都要監粗抽稅，即係做得越少先能保政治控制權。
「跛腳鴨」唔係佢哋無能，而係精心設計、用九牛二虎之力落實嘅做法。呢啲說話講俾以前嘅林鄭月娥，一定難聽過粗口。
雙方都好熟個系統，不過技術員同工程師最大嘅分別，就係技術員唔知當年啲系統點解咁樣設計，同埋機器中啲功能個負荷力有幾大。所以我有個溫馨提示畀啲話事人們，「警察」呢個掣再㩒落去，會開始失靈。
最可惜嘅係，去到今日，英國佬留落來最值錢嘅遺產，政府誠信，都已耗盡。呢啲逆境牌，報紙最愛歌頌嘅「狀元」級填鴨式教育精英技術員，都係等西環聖旨先出牌吧。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com
