士佳說 - 張士佳 2020年8月6日
【#士佳說 】張士佳： 避開選擇恐懼症
【#士佳說 】張士佳： 避開選擇恐懼症
大市升，個股更升，周圍都派錢，物管盈喜升，醫療器材盈警，由於唔關業績事，微創#853又升，半導價稅務寬免，細的半導體股升，美元下跌，黃金升，銀升，bitcoin升，btc相關股又升，疫情下，遊戲股又升，快要到8月15重整恒期，美團又升，又係疫情下，超市股如沐春風，港視#1137升。
國策扶持汽車業，美東#1268 4S銷售股又升，自然又係疫情下，流行宅經濟，食慣左日清食品，發盈喜，日清#1475升，原本疫情下，大家刷網購物多了，電商服務股SAAS幫助開發，升，有購物自然有支持，移卡#9923升，中美磨擦下，咁多中概股到港上市，港交所自然破頂升，下刪百餘字。
雖然以上所提，我全部有炒，但部份尋日都有埋單，嘩，市場一定係上左自我激勵課程，將唔好的新聞，轉化去尋找機會，如果有因為怕經濟唔好，而錯過這一波，就很是無奈，見好收，知易行難，莫講話入一隻走兩隻極難。
就算入一隻走一隻都唔易，實行上來，好似趕財神出門，唔做佢生意，市場咁睇，証明新經濟牛已來，但疫情始終係疫情，中美始終有磨擦，以往的既得利益者，總係受累，佢以舊經濟主導的恒指，升極有限。
我月前寫的「市要調，牛要信」是最佳寫照，今天無變，「市還是會調，牛唔到你唔信」大家今年俾面，小弟學生唔少，很多群組供互相報料，研究課程所得，十分資訊所用，見到你報捷他報喜，就知道市場在派錢，到現在為止，少見獲利信號，順著坐可以，但切忌不停加碼，如前段日子加多了，順著賺，兼收番細注碼，有賺便好，知足常樂，唔知調整幾時到，但太易獲利時，留點私己錢，係能港股馳騁多年的不二法門。
講咁耐，咁即係走咩？我昨早已經發覺手上股好靚，唔知點走，唯有逐隻減些注碼，以避選擇恐懼症。
士佳說 - 張士佳 舊文
來源 source: http://skycheung.weebly.com
