【#士佳說 】張士佳：懂留放，是其中一個致勝關鍵
【#士佳說 】張士佳：懂留放，是其中一個致勝關鍵
讚好臉書專頁
昨日大跌，期指最高到夜期最低236XX，差不多跌成1000點，好多人跌曬眼鏡，好似無預警，但其實市場一早話大家知，大家有空可看看每日士佳說的標題，九月同先前係截然不同，九月
「預測美科技股崩圍，浪漫過後，大市似「揸流灘」，叫大家買兩元要沽元半再叫做對沖，不要太心雄，就算看中熱點，也只能投細注。」
我點睇後市，不言而喻，9月11日開始，我減得比較凶，大家睇我當日的士佳說就感受到。
「當然，我只是減持了走股，不是清貨，但今日回來，會為大市收穿24142作準備，如果真係咁，我會將手上個股逐隻秤，特別是新經濟股，在升的途中，愈夢幻的，我們叫他SEXY，浪漫，但落在跌市中，投資者會雞蛋挑骨頭，算天真離地。除非今日神奇地上番24679，否則都核核突突，如大家揸太重貨，今日應有充足時間秤一秤手上持貨。
寫到很淡，但其實大市連跌九天，就算收低於24142，跌一跌，反彈不足為奇，但我偏向見收低先減，反彈再減」
如果9月11日開始，看官有認真執行以上行動，昨日肯定不會重傷。昨日我同學生分享，第一個訊息就係食比亞迪#1211，全日無話買咩，話大家知我股雖唔多，仍在減。
通常大跌之後，大家都會問「後市點睇？」紅色暴雨時，外面大雨得很，視野模糊，若仍執意高速開快車，非常不智，亦先不要未停雨前，偷步加速撈底。昨日出了蠱惑的BAR，今日或有反彈，到底後面會不會有便宜貨撿，呢一刻不重要，如果你控制唔到風險，日後縱有便宜撿，千萬個美好機會在眼前，到時也無你份。
所以，這一刻不是講升定跌，是講求值博率，如果自問唔你好識部署，心理上常常出現知易行難，最好減注至少於四成貨，因為大市上沖下洗之下，如果技術唔夠，好易出現睇升又輸，睇跌又輸。贏唔到無所謂，輸就無謂。
至於大市出現這古惑的BAR，自有古惑的BAR應付的辦法，但不是今天大家要面對的問題，他日征服了，夠值博率再博也未遲，投資唔係要舗舖賺，係要舖舖死唔去，最重要懂留放，是其中一個致勝關鍵。
士佳說 - 張士佳 舊文
來源 source: http://skycheung.weebly.com
