智取大市 - 晉佳 2020年10月27日
智取大市｜大選月利好ATM（晉佳）
美國投資者早前賭拜登勝選，日前升勢已斷纜
「拜登概念」終於遇上挫折，概念板塊如光伏同大麻股升勢暫告一段落，資金由科技股流向舊經濟股嘅趨勢同樣斷纜。踏入大選呢兩個星期，如果仲抱住博拜登贏定係特朗普贏嘅心態去作戰，應該會俾個市玩到謝，但亦絕對未到時候睇淡。
11月初期市況受美國大選影響，市場對於拜登定特朗普當選都有一定心理準備，估計股市有大波幅而非走單邊，去到月尾，又到對沖基金年結，綜觀整個11月風險系數唔算好高。相反，去到12月，中國嘅出口管制法12月1日實施，難料中美會否再開拖，加上武肺疫苗陸續推出，之前提過實體經濟、樓市搶走股市資金嘅因素，始終會出現，縱使疫苗推出前後利好疫苗概念股，但會對科技股構成威脅，似乎不利年尾大市，效應睇怕到12月開始浮現。
美國科技股FAANG面對反壟斷陰霾，相反ATM少啲利淡因素，形勢相對好，認購螞蟻嘅遊資，部份估計會重返ATM。騰訊（700）已經強勢破頂，阿里（9988）處於高位，而11月13日恒指季檢就到，美團（3690）勢染藍，似乎再挾上機會高，連同京東（9618），龍頭中資科技股齊齊以高位喺11月底年結唔出奇。
-----------------------------
掌握理財智慧 感受生活品味
investMAN全新網頁 優雅登場
-----------------------------
【全球樓行】 Dream House零距離
屬於香港人的移民攻略
-----------------------------
上車必讀天書 「九成按」入市懶人包
點擊即睇《按揭必讀手冊》電子書
----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
智取大市 - 晉佳 舊文
來源 source: http://hk.news.appledaily.com
