真心share定樓盤廣告？
最近跟幾個朋友講開外地樓，其中一個打算移居英國的就話：「依家鬼咁多KOL、明星、名嘴、專家走出嚟推英國樓，識又好，唔識又好都硬講一餐，香港人真係咁易𠱁嘅咩？」我並不覺得那班受眾分不出甚麼是真心share，甚麼是分類廣告，你睇留言就知，他們心水不知幾清，多
的是「鱔稿」、「hard sell」、「廣告要講明」等字眼，其實當事人亦都預計到大家的反應，明知而為之，因為這純粹是商業決定。講真，又不是每個KOL、名人介紹的樓盤都不值得買，每個買家的需要和財政狀況都不同，自用還是收租，選擇範圍已經很大分別，你話人哋賣埋啲山旮旯樓俾你，咁你想平吖嘛，責任始終在買家身上，最近人人話英國樓升，點解升？升幾多？全部升？局部升？邊度升最多？英國第二季GDP按年收縮21.5%跌幅歷年之最，你又知道唔知道先！根據Knight Frank最新統計，在2020年的前9個月，法國取代中國成為倫敦房地產的最大國際買家(佔11%)，香港和美國並排第二(佔9.2%)，之後是中國(8.3%)，可想而知對於英國物業市場來說，香港投資者的資金有幾重要。
講個古仔，從前有一群豬，住在一個冇乜圍欄的地方很久很久，環境好，有天然資源。突然間，農民加建很多圍欄怕佢哋四圍走，豬們唔鍾意，要離開，去一個佢哋認為冇圍欄的地方，繼續自由自在生活。點不知嗰個地方除咗有圍欄，仲有好多狼呀、老虎呀，連隻狗都惡過人⋯⋯
出走不是問題，問題是自己有冇能力，你是獅子，去到邊度生活都冇問題，都有你的自主權。進化成獅子吧～豬們！
作者為《HEA富學》作者，Finsight ED founder
www.finsight-ed.com
https://www.facebook.com/heaology.edu
HEA富專欄 - 郭釗 舊文
來源 source: http://www.am730.com.hk
