士佳說 - 張士佳 2020年11月5日
【#士佳說 】張士佳：戲劇性的一天
【#士佳說 】張士佳：戲劇性的一天
昨日走勢都幾戲劇性，螞蟻事件再加美國大選在同一天發生，可以講係完美風暴。
我原以為美股因螞蟻而下跌，卻因美大選塵埃落定而上升，一升一跌先來個不升不跌，待大選過後再下跌，所以我的做法是沽9988及BABA，買京東（最早買），美團（日中買），小米（較遲買），因為我認為BABA出事，市場會將它的份額轉到MXJ，爺爺通常都罰調皮的，獎勵乖乖的。
這方面我算對了，但螞蟻無拖低港股，我暫時就不對了，侵侵贏唔到，我亦算錯了，本來搖擺州份領先，但一日間優勢被反傾前，總統寶座懸而未決，不確定性應該令美股裹足不前，但期指卻升到25590也令我感奇怪，我在25250時，見升到過份做了些對沖，哈，過份原來是我一廂情願，市場先生唔覺，我不嬲唔會同佢拗，況且我只做了20%對沖，對賺蝕無傷大雅，25700-25800阻力非輕，暫時睇下先。
螞蟻是無懸念了，昨日說得對，短期不會再上，它說最少半年，我估不止，很多人說螞蟻只佔BABA一塊，不會大影響，我睇未必，最主要是打亂馬老闆的部署，今日上唔到，唔通遞日大使散曬嘅時候先至來上？
而大選最重要的是選舉人，他們選的才算數，選舉人團會在12月14日舉行才見真章，上屆就出現了7名失信選舉人，如果雙方票數相差不遠，必定有法律訴訟，我相信近日美國都7國咁亂。
以上兩者都唔係好消息，如果市場唔理，一樣炒上去，升多一千點，我信市場，但現階段，我繼續對冲住咁遊擊炒股先。
個股有好多突破，MXJ講左，比亞迪#1211續持有，4S汽車#881早遲突破，本以為紫金#2899是跟金行，但金未破頂，它已節節上升，莫非真的結婚能沖喜，調一調再上，會跟進，招行#3968突破，早前已有講，照做，吉利#175近月無買，只買了#1211，長城#2333，廣汽#2238，昨日買埋吉利，樂享4.5走得靚，跌到落3.1認真誇，上番3.83入番半。手掌d股好鬼靚，想減都唔知點抉擇，好似先前學生都知的便利店831，話賣circle k，又派特別息。海運股1919及1308又升到飛起，搞到598都破頂可追。唯有一邊入，一邊沽#9988(多)及#388（少）以減低Exposure，但實在太多股了，多到講唔曬（今日都提咗好多冧把），留些今日在港台E線金融網才講吧。
士佳說 - 張士佳 舊文
來源 source: http://skycheung.weebly.com
