收市閒情｜順豐王衞為何強調識講廣東話？（千頌C）
喺香港從來唔做訪問嘅順豐王衞，今日第一次見香港傳媒，比較搞笑嘅係，佢一見記者，就話「我想強調嘅係我係識講廣東話」。好啦，咁好哋哋點解王衞會肯見記者呢？
我大膽推論，喺維穩角度上，每個時代都需要一個成功嘅商人去做一個成功嘅楷模，話俾人聽
係呢個政權下，係有搵大錢嘅希望，等人有努力嘅目標。至於過去十年代表人物馬雲，相信未來都應該冇得講嘢架啦，佢role model 地位已成過去。
對中國來講，論維穩需要，香港當然係重鎮中嘅重鎮！佢最想就梗係你成班香港人，每日只係掛住揾錢，掛住返工，變曬唯利是圖嘅港豬。至於喺揾錢方面嘅role model來講，喺香港人眼中，一直都係超人，which is 大陸唔樂見。
不過王衞呢，50歲，當打，同時真正白手興家，由一個香港水貨佬，走走嚇水貨，走到有間5000幾億市值嘅公司；更重要嘅係，佢喺香港大，然後喺中國揾到大錢！呢個咁嘅「中國成功港人創業家案例」，完美啦！「你班廢青，唔好搞事啦，快啲擁抱中國擁抱大灣區，做下一個王衞啦！」
王衞一直行低調路線，突然咁高調，仲要咁刻意話「我係識講廣東話。」明顯想強調自己係香港人，同聲同氣。學佢話齋，佢話將來會有更多機會同香港傳媒朋友見面，可以預期嘅係，面嗰浸，佢將會越嚟越高調；底嗰浸係，或者將來會有一班人「造神」。
by千頌C@堆填區
FB Page
MeWe Page
「與千頌C一起吃花生」MeWe Group
-----------------------------
掌握理財智慧 感受生活品味
investMAN全新網頁 優雅登場
-----------------------------
點擊即睇《Bitcoin投資入門手冊》
一書盡覽新手必讀資訊
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
收市閒情 - 千頌C 舊文
來源 source: http://hk.appledaily.com
