士佳說 - 張士佳 2021年4月19日
【#士佳說 】張士佳：個別板塊
【#士佳說 】張士佳：個別板塊
回顧港股上週微升270點左右不足1%，其實指數上沒什麼特別方向，A股依然偏弱但力守3400，港股成交偏低，繼續夾在美中之間的升跌上落。
港股上週的升市其實主要由地產股與公用股帶動，以往的科技增長股動力股未有明顯升勢。
美股Dow， S&P創新高，上週高盛GS、 摩根大通JPM 和富國WFC等等的一眾銀行股出了第一季度的業績，大部份都是勝預期，美股三大指數唯獨納指未創新高，好多大型科技股都跟不上指數升幅，最簡單睇 ARK 系列的股票好多仲好弱，之前當炒的二三線科技股都不給力。
港股上升板塊好個別，海運是其中之一，波羅的海乾散貨運價指數持續上升。而其中最敏感的是#2343太平洋航運因散貨船的貨運市場租金顯著上升。先前走了海豐#1308 及東方海外國際#316 ，將注碼一半買了#2343及#中遠海運517，點解只係買一半，呢個一陣臨尾先至講。
上週重點提到了鋼鐵和國產體育品牌股，為市場焦點轉向，體育品牌打遊擊食左，鋼鐵股等緊止賺，週期股表現的順序鋼鐵後，通常都是煤炭。上個禮拜五我炒#1171兗州煤業。
另外，我較睇好做電子支付方案嘅327 百富環球，雖然cathie wood 的arkf 仲係表現麻麻，但另一隻etf ipay 就表現好好多，佢係香港有投資嘅百富環球，我一路都有睇住，我唔覺得佢會超靚，但跑贏大市似乎就唔係太大問題。
此外，中美近期就氣候問題在上海進行會談，週末雙方達成巴黎氣候協議，中國對減排已有自己的計劃，但相信在美國及國際社會的催促下，中國減排進程或會加快完成。今日留意玻玻璃光伏如#6865 甚至傳統玻璃#868信義玻璃等個股板塊，睇下有冇反彈空間。
市場嘅壞消息唔少，本周另一焦點是華融，由3月底延遲發布業績至今，華融境內境外債價已經跌得相當之勁，華融本質上是處理中國不良資產的資產管理公司，結果佢自己都係一盤壞賬其實都幾諷刺，佢賬目有幾混亂，外界真是一無所知，如果一個唔覺意真係爆煲，即係呢種打包方法都係唔work，好容易會引起連鎖反應，因此中國政府需要嚴防風險擴散。本周的中資企業美元債、內銀股以及其他金融股的表現，特別惹人關注。
外圍方面一樣有壞消息，市傳美國財政部將起訴多家金融機構涉嫌透過虛擬貨幣洗錢等消息拖累下，比特幣隨即掉頭急挫，周日短時間內急瀉超過15%，曾跌穿52000美元，再度引起市場關注。比特幣大跌，金融機構可能會限制用信用卡等途徑買賣加密貨幣，這對於升速驚人的加密貨幣是一大打擊，早前多間國際知名企業早前高調宣布投資比特幣，短線有機會成為美股特別是納指帶來不利的影響，故近日要特別留意Bitcoin回調對大市及相關股票的影響。
圖表走勢上亦都未靚，自從3月18那天我叫學生，收不破29568，都不要隨便放肆，隨後果真下跌到27503，最高只係反彈到29148，但係跌亦都跌唔多，而家反彈返上去29000左右水平，主要靠香港房地產/reits/公用股頂住，明顯係基金經理用少少錢炒復甦，有啲泊資金嘅意味，所以上個禮拜我買股票，得啱揀得較偏(好似國藥呀寶龍呀大新呀，都唔係熱門冇乜人提），避開大市，並只係買一半，唔怕佢行得慢，反正又唔係好多好嘢買，冇乜opporturnity cost，只係屬於守中有攻。
但話分兩頭，以上兩單壞消息bitcoin 及華融是但一單爆煲，都足以影響大市，按常理應回調居多，但若今天能反常陽燭破頂，我會信資金看到出路，看到我哋睇唔到嘅，我會開番D短put 短倉（即short短put）及買多少少股票，繼續享受反彈先。
士佳說 - 張士佳 舊文
來源 source: http://skycheung.weebly.com
