士佳說 - 張士佳 2021年4月26日
【#士佳說 】張士佳：都話28400有力支持
【#士佳說 】張士佳：都話28400有力支持
上週都寫左俾大家睇，我睇反覆向上，所以做short put，好多朋友都戥我擔心，因為做完，第日跌600點，我就擺低個位28400應該跌唔穿，結果由29020跌到落28448，剛好唔穿。今日應該升返上嚟291xx，做嘅short put ，應該有餐開，哈哈，圖表會說話，爭在識唔識睇，識睇嘅話淡定有錢剩，雖然隔晚美股因拜登擬向富人徵收高額資本利得稅而回落，但事件未有影響港股走勢。這種反覆我最鍾意，因為冇大跌空間，但係又唔會純因為個市升而股升，所以只要識揀股就最有效率。
最矚目嘅應該係藥同醫療器材，當中CRO/CMO的 代表#2269藥明生物 ，我曾經講過逢大市跌都要買呢隻，今次好在又冇上錯車；＃1302先建科技亦喺士佳說中提過，連帶其他好似#3759康龍化城；創新藥的有 #9926康方生物及#1801信達生物，＃1521方逹＃1612呼吸機；消費性醫療中的醫美#460四環醫藥，醫療器械的 #853微創醫療，#1066威高股份及 #9996沛嘉醫療-B，炒到最弱的 #1789愛康醫療及 #1858春立醫療，幾乎全部都炒，我唔買得咁多，我只揀上述升得最好嗰啲，另外就吼實居然能創新高嘅＃1696，佢再陽燭穿頂會關注。
淨係啲藥CRO同醫療器材都炒到你無資金，唯有搵位食體育用品，跟進下我講過嘅＃2331李寧，再陽燭突破65元前食反轉先，突破先再嚟過。
煤炭在市後有消息，中煤能源 #1898 及中國神華 #1088 都公布首季業績，兩者首季純利都有所增長，因經濟穩定復甦下，煤炭銷售量及價格都有所提升。這個從板塊最近的走勢已有點端倪，表現優於大市。噉當然，那些開礦設備像＃631，如果被帶動陽燭突破$9.7，亦都有條件再升。
先前走了我們炒得幾好嘅＃347，因為出咗好消息，反而換馬去＃323，其實同行好幾隻都好好，＃1258都升得夠癲，有色金屬價格有保證，復甦遇著環保要求，令到好多嘢價格都要升，連帶航運業都被帶動，同學生提過嘅＃2343太平洋航運，炒咗上嚟，如果手上貨多嘅，坐得唔舒服，就唯有趁高食，等陽燭升穿2.74再炒過。
其實最近炒嘢已經有啲百花齊放feel，幾時都係龍頭升完，炒市值細啲嘅，就好似手遊網遊，連＃9999網易6000幾億都升，百幾億嗰啲最多人炒，我都炒咗浸，咁次次都有亮麗升幅嘅百奧家庭互動＃2100，會唔會遲早都嚟料呢，手上未有等位入。
最近啲股真係好容易炒，好似先前忙，寫唔得太詳細，擺低咗兩個冧巴1368669，一隻食咗，另一隻長坐，都唔理你個市，坐得好舒服。咁多嘢炒，香港券商＃3329，呢期算紅，唔知候低吸納啱唔啱呢？
士佳說 - 張士佳 舊文
來源 source: http://skycheung.weebly.com
