士佳說 - 張士佳 2021年5月25日
【#士佳說 】張士佳：戰前briefing
【#士佳說 】張士佳：戰前briefing
*美國疫情個案急跌，道指維持高位上落，納指升得更全面，有利今日港股反彈。
*中央下令嚴管平台企業金融活動，大型科技股又染藍落空，相關股份顯著回調，並拖累指數最多挫2百幾點，順勢回補上星期缺口，但由於A股稍好，仍然好似我咁講跌唔落升唔上，個股好玩啲
*中國重手整頓商品價格，拜登又話縮基建投資，資源股先避一避，暫時不要同阿爺老美作對；但筆者一直叫有留意的油價唔跌仍在反彈中，全世界貨幣寬鬆，通脹都好難回落，單靠中國人為壓低國際商品價格，只是暫時抑壓而已
*至於#6098碧桂園，尋日我話口未完，話一入侯門深似海，改為留意#1995永升好過，估唔到#6098入宮一日就立即配股，折讓仲超過7%，抽水時間配合得啱啱好，但仍可留意大型物管股#873世茂服務，#1209華潤萬象生活和等
*另一隻染藍股#1211比亞迪則保持強勢，其餘車股卻普遍偏軟，近期汽車行業密集有消息刺激，Tesla及汽車中概股Nio, Xpev, Li 明顯再反彈，而資金也在搶攻龍頭#1211比亞迪和#2333長城汽車。比亞迪亦宣布，第100萬輛新能源汽車於周三正式下線，成為首個完成100萬輛新能源乘用車下線的中國品牌，不過講到脫險暫時就未知，最好就遇到阻力，試一試佢嘅上升力度，出現咗力再升先至關注，再講要留意車股不如留意電動車相關嘅版塊啦
*港科技股昨日仍處於弱勢，其中阿里傳有股東折讓1%配售1,420萬股套現29.3億元，同時最新報導指里巴巴和系內螞蟻集團近期都受到內地更嚴格監管，近月阿里雲難以獲得政府機構和國企的新訂單，更傳失大客字節跳動。可是這消息在早前業績公布時已有猜測，現時只是草木皆兵；越得人驚越要留意，留意咋冇買過，密切留意騰訊615.5（除淨後變為613.9）補返啲貨
*講下幣，我上堂都同學生講，幣你個倉一定要有，教主ELON，神又係佢鬼又係佢，又話浪費資源唔環保，一陣就話同北美再生能源傾掂數，鑽石手定係彈弓手都唔緊要最緊要係佢玩曬，我只信“越打壓即係幣越成功”，跌一跌再上先至再加
*前幾日都叫大家留意醫藥股，尋日逆市上揚，我仲講明傳統藥新藥都要留意，#1093石藥首季純利按年增長27%，股價高見11.68元，為最大升幅藍籌，但全要只受惠於維生素C，以及抗生素。#1177中生製藥就更好，首季純利大增119%之餘，更因旗下聯營公司受惠科興的銷售，以及#9926康方生物合作開發的單抗藥在美啟動快速審評，中生製藥績前股價抽高3%；康方生物更破頂升逾一成，這些新舊药股交替發展都值得留意。
*內地券商失驚無神飆咗上嚟，券商股不溜一係唔炒一係要炒得早，咁多隻唔識揀，炒挨近近3月高位嘅勝算高些
大市難估，上上落落，但國內對大宗商品的不斷被約談喊話，大型科技股在恒指季檢中失寵又獲利回吐，在這種氛圍之下，值得留意主要是一眾科技股，騰訊再挫一挫後回穩，美團亦見270有支持，連京東爆冷無染藍都可以守住10天線，足見科技股低位有支持；金融股友邦都守得好稳，匯控繼續高位橫行等突破，內銀股似乎轉強，都促使指數跌吾落，如果外圍及A股有消息利好，後面的走勢可以相對順暢，在這個時間點不妨進取些，按當炒板塊及優質股票基本面圖表信號來順勢炒一轉
士佳說 - 張士佳 舊文
來源 source: http://skycheung.weebly.com
