士佳說 - 張士佳 2021年6月3日
【#士佳說 】張士佳：話咗你知，博美團
【#士佳說 】張士佳：話咗你知，博美團
人民幣滙價回落，中港股市隨之受壓。港股三連升後出現回吐，昨天給出第七場的策略，牛市中新主題開始多，板塊輪動輪流炒，太強不加放紙鳶，強股回落考耐性，高位套利換馬炒落後，總之炒好第七場，唔理乜嘢第八場第九場。
港股能否突破數月來的橫行格局，科企依然是關鍵。恒指成份股變動將於6月7日生效，今次季檢焦點為同股不同權公司權重上限由5%提高至8%，有助這些新經濟股吸資。以規模計，相信美團最受惠，過去三個月嚟，都唔知幾多前輩後浪股評人，估美團見底，結果輸到唔敢提，上週五在sun channel，我放出豪言，話美團見底，長期粉絲知道我係一路睇淡，今次我竟然博見底，結果升到點大家睇到，當時連業績都未出，夠膽博見底，所以我派圖表係咪會說話，大家有目共睹。
美團係咪真係見底，其實唔使知，你又唔係股評人，唔使同觀眾交代，你最重要嘅係行動上賺錢，＃3690最低$240，現在升咗差唔多三成，策略上係食咗一半，少少地都有利潤，然後將止賺擺喺買入價低少少，試下放紙鳶，都食咗一半，就算回落，你都賺。今次係第一個機會，六月最遲7月有第二個機會，第一次機會我公開講了，你冇博我都冇辦法，第二個機會，到時只同學生分享了，這裏嘅粉絲唔好話我偏心，學生出錢出力出時間，冇理由唔照顧咗先。
咁又唔使太灰，#700騰訊都可以諗，始終升幅較落後，我本身對佢麻麻地，但市場對壞消息視若無睹，我尊重市場，所以尋日偷步$630買咗，不過佢嘅波幅同美團冇得比，我都係買衍生工具，陽穿640才真買；TM買左，大家自然聯想A阿裏巴巴，佢同快手一樣，我暫時都未考慮，#9618京東都可以睇好，只是升幅稍受限制，上日sunchannel，我話#2618京東物流ok，可買，皆因我賭佢符合恆生綜合指數的快速納入指數規則，願望成真，結果升了1成，食左先算；要留意內地收緊平台監管尚未結束，始終是大型科企面對的不明朗因素，所以樂觀得嚟唔好過度樂觀，升咗就點都食，起碼食一半。
#3899中集安瑞科與鞍鋼就焦爐氣制LNG和氫氣戰略合作升3.5%率先呈突破。留意氫氣概念重新炒作。
#3600現代牙科再升超10% ；內地牙科隱形矯治解吃香，亦是預炒新招股的#6699時代天使，炒完牙就輪到炒眼#3309，尋日跌，我都唔係幾驚輕輕買咗少少，但半新股#6622兆科眼科-B仲勁，昇逾7% ，應還有上升空間；主因內地眼科藥物市場具有巨大增長潛力。
醫療及醫療器材股大幅回吐，我只係換馬（從#853到#1789）應對。北水資金轉投有消息的入B股接力炒上；#6978永泰生物-B升超5%再破頂， 永泰生物深度研究細胞免疫治療領域有所突破發展。
車股突破，#1211比亞迪固然是最強一隻，#175吉利汽車及#2333長汽都唔錯，有機會轉勢，後市或有投機性Call的機會，我唔鍾意啲新入blue chip，反而我留意到吉利「極氪ZEEKR」首款汽車年底付運，預期至2021年財年底，可付運約1萬輛，今日富時中國50指數公有將重新納入小米 #1810 ，以及中遠海控 #1919 及中信股份 #267，但剔出吉利、恆大 #3333 及新東方 #9901，6月18日收市後生效，剔出吉利，唔知可唔可以藉助呢個壞消息上車呢？
市唔靚但係啲股好多都靚，手機配件升到傻，用戶睇下幅圖，舜宇光學2382歲星科技2018幾多綠色Bar，真係唔買都要埋去睇下，我尋日嘅動作就係將2382換2018，冇辦法，太多靚股邊有咁多錢買。
我等咗油股升好耐終於來臨，因為全球經濟處於後疫情階段，疫苗接種普及允許更多民眾出遊，必然帶動原油需求，OPEC+未來增產政策不明朗，預料續有利油價。技術上，紐約期油突破每桶66美元，布蘭特期油企穩70美元大關，留意三桶油及燃氣股短期走勢仍會偏好。
港企全力谷針，零售復甦可期；目前香港每日接種率約為人口的0.2至0.25個百分點，按此速度推算，至9月底時，應有超過一半人口接種兩劑疫苗，若近日各大企業全面谷針行動，加速了接種率，好多人都望今年十一黃金周恢復通關，本地零售地產及租務事業先前已經率先炒上，最近反而冇乜特別。
士佳說 - 張士佳 舊文
來源 source: http://skycheung.weebly.com
