士佳說 - 張士佳 2021年8月25日

士佳說 - 張士佳 2021年8月25日


【#士佳說 】張士佳：避開貪勝怕輸
【#士佳說 】張士佳：避開貪勝怕輸


港股繼續隨美股破頂而反彈，人行行長易綱指要增強信貸總量增長的穩定性，市場意味貨幣政策較寬鬆，亦令指數回勇，不少投行也指科技股估值逐漸吸引，都拉動昨日港股科技指數的大幅反彈。可是，如此反彈是大跌後所造成，但風眼在科指，要連續四五天跑贏恆指，才是轉勢嘅其中之一個條件，最近兩天科指跑贏了恒指，但暫時8月只有4天是科指跑贏。

科技股暴力反彈，不得不提騰訊#700連續第三日回購公司股票再升，騰訊#700、美團#3690、快手#1024升得最多；彈得咁勁係由於回購，還是釋出不唯流量是從的規則，還是由於「段菲特」買入，不得而知，但我只係喺場邊食花生。跌嘅時候我避過晒，彈嘅時候我亦都冇份，正如我在sun channel 講，呢類型咁多散戶睇嘅大股回落，就算真係升，都先係經過1. 彈，2. 插(應該叫靚插，因為插得來其實跑贏大市），才到3.真升，重新上車係等到靚插之時，再出入市訊號。

呢啲股我做塘邊鶴姐，要炒有其他嘢炒，呢兩日我除咗電力股走半留半放紙鷂，致力炒嘅係煙花訊號股像核電股（升兩成在Sun Channel

開埋Number講啦），玻璃股3300（未點升） ，IGBT（sun channel 有提，未買等回一回再升先再吼囉），新天發電（未點升），最多量變綠色bar嘅科技股（升了兩成，見陰燭就走，回一回做阻力再突破，又再炒過），都唔少野炒。

就好似隻鋰，電池級碳酸鋰均價已突破10萬元/噸，最近仍維持日漲勢，部分主流廠家繼續看漲，大行亦指整個鋰鹽行業正式進入高盈利區間，長遠升都係機會大過跌，你知我知個單眼佬都知，咁點解好多散戶贏唔到錢，皆因一見阻力就跌10%，散戶一見跌10%就驚就走，到睇返又創左新高，散戶又追入，又見阻力跌10%又斬，貪勝怕輸，結果輪迴在無間地獄，不如下次見突破阻力，追買10%走啦，再等下隻訊號，反正而家嘅市，適合hit and run 。

唔寫咁多Number啦，我今日一樣邊入邊走，走左D儲電（贏得幾好），今日又做吓對冲，overall 都係淡多個好少少。

士佳說 - 張士佳 舊文

本文作轉載及備份之用 來源 source: http://skycheung.weebly.com